Juan 6:14 - Nukën 'Ibu Diosan ain unikama 'inan ain bana

¹⁴ Usaquian Jesusan 'aia isi ca anu 'icë unicamax quiacëxa: —Asérabi ca ënë uni axa Nucën Papa Dios quicë bana uni ñuixuni utinu nun caíncë, a 'icën.

Kashibo-Kakataibo Biblia

¹⁴ Usaquian Jesusan ꞌaia isi ca anu ꞌicë unicamax quiacëxa: —Asérabi ca ënë uni axa Nucën Papa Dios quicë bana uni ñuixuni utinu nun caíncë, a ꞌicën.

Juan 6:14 ပူးပေါင်းရင်းမြစ်များ

Génesis 49:10

Uínbi ka aín kushi Judá bikuantima 'ikën, 'imainun ka aín manë tsati 'apun tuinkë 'ikëa tuinkë a bikuantima 'ikën, a manë tsatin 'ibuka unuxun 'aia usa 'ain ka kamabi menu 'ikë unikaman ax kikësabiokin 'anuxun 'aia.

Mateo 11:3

Xucëx cuanxun ca Juanën cacësabi oquin ñucáquin Jesús cacëxa: —¿Mix caramina asérabi axa uti nun caíncë a 'ain? ¿Mixmi ama 'ain caranuna bëtsi uníxa uti nun caínti 'ain?

Mateo 21:11

Canania ca axa Jesúsbë 'icë unicaman cacëxa: —Ënëx ca Jesús, an Nucën Papa Dios quicë bana unicama ñuixuncë, a 'icën, ax ca Galilea menu 'icë ëma, Nazaret, anuaxa ucë 'icën.

Lucas 24:19

Quixuan cacëxun ca Jesusan cacëxa: —¿Añu ñui cara quicanx? Quia ca cacëxa: —Nazaretnu 'icë Jesús, a ñui ca quicanxa. An ca Nucën Papa Dios 'imainun unicamanribi iscëxun upí oquin Nucën Papa Dios quicë bana uni ñuixuanan aín cushínbi uni itsin 'acëma ñu 'axa.

Lucas 7:16

Usaía 'ia isi ratuti racuëtibi cuëëni ca unicamax Nucën Papa Dios rabi quiacëxa: —An Nucën Papa Dios quicë bana unicama ñuixunti uni aira ca ënëx 'icë —quianan ca —Nucën Papa Diosaxbi ca aín unicama 'aquini uaxa —quiacëxa.

Juan 1:21

Cacëxun ca cacëxa: —¿Ama 'aish caina ui 'ain? ¿Elías caina 'ain? Quixuan cacëxun ca cacëxa: —'Ëx cana ama 'ain. Cacëxun ca ñucátëcëancëxa: —¿An Nucën Papa Dios quicë bana unicama ñuixunti uni, axa uti a caina mix 'ain? Cacëxun ca —ama cana 'ai —quixun cacëxa.

Juan 11:27

Usaquian cacëxun ca Martanën cacëxa: —Mix camina Nucën Papa Diosan Bëchicë, Cristo, axa utinu nun caíncë a 'ai quixun cana 'unanin.

Juan 2:11

Usoquin ca Jesusan Galilea menu 'icë ëma, Caná, anuxun aín sinanëinshi 'atabaquin uni itsin 'acëma ñu 'acëxa, uni itsin cushisamaira ca aín cushi 'icë quixuan unicaman 'unánun. Usaquian ñu 'aia isi ca aín 'unánmicë unicama ami catamëacëxa.

Juan 4:19

Cacëxun ca xanun cacëxa: —Bërí cana mix caina ui 'ai quixun 'unanin. Mix camina an Nucën Papa Dios quicë bana uni ñuixuncë uni a 'ain.

Juan 4:25

Cacëxun ca xanun cacëxa: —Mesías, Cristo cacë, ax ca uti 'icë quixun cana 'unan. Ax uquin ca nun nu 'unánun camabi ñu ñuixunti 'icën.

Juan 4:42

Usai 'iquin ca a unicaman a xanu cacëxa: —Minmi nu cacëxun cuaxunbi cananuna bërí nunbi aín bana cuaquin 'unanin, asérabi ca ax Cristo, an camabi menu 'icë uni Nucën Papa Diosnan 'inun ië́miti, a 'icë quixun.

Juan 6:2

Cuancëbë ca an uni itsían 'acëma ñu 'anan uni 'insíncë pëxcuia iscë unicama Jesús nuibiani cuancëxa.

Juan 6:26

Cacëxun ca Jesusan cacëxa: —Asérabi cana 'ën mitsu cain, 'ën pán pimicëx puchonx camina a sinánbëtsini 'ë bari uan. Ui carana 'ëx 'ai quixunmi mitsun 'unánun, uni itsían 'acëma ñu 'ën 'acë a isunbi camina ui carana 'ëx 'ai quixun sinaniman.

Juan 6:30

Cacëxun ca cacëxa: —¿Nuxnu mimi sinánun caramina añu nun isnun 'ati 'ain? ¿Añu caramina 'ati 'ain?

Juan 7:40

Ësaquian Jesusan cacëxun cuati ca axa timëcamë'ëocë uni raírinëx: —Ënëx ca an Nucën Papa Dios quicë bana unicama ñuixuni utinu nun caíncë a 'icë —quiacëxa.

Hechos 7:37

Usaquin caxun ca ësaquinribi Estebanën catëcëancëxa: —Moisés ax ca an Israel unicama ësaquin cá a 'icën: “An 'ë 'imicësaribi oquin ca mitsun rëbúnqui achúshi, an ax quicë bana unicama ñuixunti uni Nucën Papa Diosan 'imiti 'icën. 'Imicëxuan an atu cacësabi oi ca 'icanti 'icën”.