Juan 4:26 - Nukën 'Ibu Diosan ain unikama 'inan ain bana

²⁶ Cacëxun ca Jesusan cacëxa: —A cana 'ëx 'ain, abë camina banain.

Kashibo-Kakataibo Biblia

²⁶ Cacëxun ca Jesusan cacëxa: —A cana ꞌëx ꞌain, abë camina banain.

Juan 4:26 ပူးပေါင်းရင်းမြစ်များ

Mateo 16:20

Usaquin Pedro catancëxun ca aín 'unánmicë unicama Jesusan cacëxa: —'Ëx cana ax utia judíos unibunën caíncë Cristo a 'ai quixun camina uinu 'icë unibi catima 'ain.

Mateo 20:15

¿'Ën curíquinëxa 'ënanbi 'ain carana 'ëx cuëëncësabi oquin an 'ë ñu mëëxuncë unicama cupíotima 'ain? ¿'Ën uni itsi curíqui 'ináncëbëtan caramina nutsiquin masáquin sinanin?

Lucas 13:30

A unin —ñuumara ca ax 'icë —quixun sináncë unicama a ca Nucën Papa Diosan aín sinan upí 'unánquin a unicamaxa cha 'icë isti 'icën. 'Imainun ca a unin iscë́xa cha 'icë unicama a Nucën Papa Diosan aín nuitu 'unánquin ñuumara isti 'icën.

Juan 13:19

A unían aín sináncë ñu 'acëma pan 'ain cana mitsu can. Usaquin mitsu catancëx, 'ëx usai 'icëbëtan, camina asérabi carana 'ëx ui 'ai quixun 'unánuxun 'acanin.

Juan 8:24

Mitsun, ui carana 'ëx 'ai quixun 'unani 'ëmi sináncëma 'aish camina 'uchañu 'aish usabi bamati 'ain. Usaquin sinánquin cana —'uchañu 'aish camina usabi bamati 'ai —quixun mitsu can.

Juan 8:28

Cuatiama ca Jesusan cacëxa: —Uni 'inux Nucën Papa Diosnuax uá 'icë 'ë inu matástancëxun camina ui carana 'ëx 'ai quixun 'unánti 'ain. 'Unánan camina, 'ënbi sinánquin 'aquinma cana 'ën Papan cacësabi oquin ñu 'ai quixun 'unánti 'ain. 'Ën Papan 'ë cacësabi oquin cana unicama cain.