Juan 20:27 - Nukën 'Ibu Diosan ain unikama 'inan ain bana

²⁷ Atu catancëxun ca Tomásribi cacëxa: —Min mëcën rëbun ca ënu ticat, 'ën mëcën rabë́ribi ca is. 'Ën pichánpurunu min mëcën atsínmiquin ca tan. 'Ëx cana ama 'ai quixun sinánxunma ca 'ëx cana asérabi Jesús 'ai quixun sinan.

Kashibo-Kakataibo Biblia

²⁷ Atu catancëxun ca Tomásribi cacëxa: —Min mëcën rëbun ca ënu ticat, ꞌën mëcën rabë́ribi ca is. ꞌËn pichánpurunu min mëcën atsínmiquin ca tan. ꞌËx cana ama ꞌai quixun sinánxunma ca ꞌëx cana asérabi Jesús ꞌai quixun sinan.

Juan 20:27 ပူးပေါင်းရင်းမြစ်များ

Mateo 17:17

Quia cuaquin ca Jesusan anu 'icë unicama cacëxa: —Mitsun camina Nucën Papa Dios ax ca asérabi cushi 'icë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu 'unánmiti 'ain? ¿Uitishi nëtën carana 'ëx mitsu cupí masá nuituti 'ain? 'Ë ca a tuá bëxun.

Marcos 9:19

Quia cuaquin ca Jesusan anu 'icë unicama cacëxa: —Mitsun camina Nucën Papa Dios ax ca asérabi cushi 'icë quixun sinaniman. ¿Mitsúxmi 'ëmi catamënun carana uiti nëtën mitsu 'unánmiti 'ain? ¿Uitishi oi carana 'ëx mitsu cupí masá nuituti 'ain? 'Ë ca a tuá bëxun.

Lucas 24:39

'Ën mëcën 'imainun ca 'ën taë is. Isquin ca, 'ëx cana Jesús 'ai quixun 'unan. Uisa cara 'ën nami 'imainun 'ën xo 'icë quixunmi 'unánun ca 'ë ramët. Ñunshinax ca xoñuma 'ianan namiñuma 'icën.

Lucas 24:40

Usaquin caquin ca mëshpáquin aín mëcën ismianan aín taëribi ismiacëxa.

Lucas 9:41

Quia cuaquin ca Jesusan anu 'icë unicama cacëxa: —Mitsun camina Nucën Papa Dios ax ca asérabi cushi 'icë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu 'unánmiti 'ain? ¿Uitishi oi nëtën carana 'ëx mitsu cupí masá nuituti 'ain? Usaquin caquin ca a uni —'ënu ca min bëchicë bët —quixun cacëxa.

Juan 20:20

Ësoquin caquin ca aín mëcën rabë́ ismianan aín pichánpururibi ismiacëxa. Ismicëx ca aín 'unánmicë unicama Nucën 'Ibu isi shimëniocati cuëëancëxa.

Juan 20:25

Usa 'ain ca Jesús cuancë caxua aia, an Jesús iscëcaman Tomás cacëxa: —Nucën 'Ibu cananuna isan. Cacëxun ca Tomásnën cacëxa: —Aín mëcën rabë́ anua rabun matáscancë isquin anu 'ën mëcën rëbun ticánan aín pichánpurunu 'ën mëcën atsínmiquin tanxunma cana asérabi ca ax Nucën 'Ibu 'icë quixun sinaniman.

Juan 20:28

Cacëxun ca Tomásnën —mix camina asérabi 'ën 'Ibu 'ianan 'ën Diosribi 'ai —quixun cacëxa.

Romanos 5:20

Unían —nux cananuna 'uchañuira 'aish upíma 'ai —quixun 'unánun ca Nucën Papa Diosan uisai cara uni 'iti 'icë quicë bana Moisés cuënëomiacëxa. 'Uchañuira 'icëbi uni nuibairaquin ca Nucën Papa Diosan atun 'uchacama tërë́ncë 'inun mëníocëxa.