Juan 17:14 - Nukën 'Ibu Diosan ain unikama 'inan ain bana

¹⁴ 'Ën cana ënëcama min 'ë sinánmicë bana upí, ashi ñuixunquin 'unánmia. 'Aínbi ca an ënë bana cuacëma unicamax atumi nishia, 'ëx 'icësaribitia atux ënë nëtënu 'icë ñuishi sináncëma 'ain.

Kashibo-Kakataibo Biblia

¹⁴ ꞌËn cana ënëcama min ꞌë sinánmicë bana upí, ashi ñuixunquin ꞌunánmia. ꞌAínbi ca an ënë bana cuacëma unicamax atumi nishia, ꞌëx ꞌicësaribitia atux ënë nëtënu ꞌicë ñuishi sináncëma ꞌain.

Juan 17:14 ပူးပေါင်းရင်းမြစ်များ

Génesis 3:15

'Ën kana mixmi xanubë nishananun 'imiti 'ain, 'ën 'imikëx ka min rëbúnki 'imainun xanun rëbúnki nishananti 'ikën. Aín rëbúnkinën ka min maxkánu mi amánuxun 'aia, 'akëxun kamina aín taë tsipútunu 'anuxun 'ain.

Marcos 10:39

Quia ca cacëxa: —Usaribi oquin cananuna tanshiti 'ain. Cacëxun ca Jesusan cacëxa: —'Ën 'acësaribi oquin camina bëtsi bëtsi ocë 'ianan paëira tanti 'ain.

Juan 17:16

'Ën 'acësaribi oquin sinánquin ca atun, an min bana cuacëma unicaman sináncësa oquin sinanima.

Juan 7:7

Axa Nucën Papa Diosmi sináncëma unix ca mitsumi nishima, 'ëmi cuni ca nishia. 'Ën —ñu 'atima camina 'ai —quixun cacë cupí ca atux 'ëmi nishia.

Juan 8:23

Quiáxa quia ca Jesusan cacëxa: —Mitsux camina ënë nëtënu 'icë unishi 'ain. 'Ëx cana naínu 'icë 'ain. Mitsux camina ënë nëtënu 'icë 'ain. 'Ëx cana ënë nëtënu 'icëma 'ain.

1 Juan 3:12

Ñunshin 'atimanën 'apunan 'ixun ca Cainan aín xucë́nbi 'acëxa. Usaribi cananuna 'itima 'ain. ¿Uisa cupí cara Cainan aín xucën 'acëx? Aín xucënan 'acë ñu upí 'imainuan an 'acë ñu upíma 'ain ca Cainan aín xucën 'acëxa.

1 Juan 3:13

'Ën xucë́antu, axa Jesucristomi catamëquinma ënë menu 'icë ñuishi sináncë unicaman mitsumi nishquin nuibacëxunmabi camina —uisacatsi cara 'ëmi nishia —quixun masá nuituquin sinántima 'ain.