Juan 16:30 - Nukën 'Ibu Diosan ain unikama 'inan ain bana

³⁰ Bërí cananuna 'unanin, upí oquin camabi ñu 'unánquin camina bana ñuixuanan bëtsi ñuribi 'an. A cupí cananuna mi ñucátëcënquinma, asérabi ca usa 'icë quixun 'unánan mix camina asérabi Nucën Papa Diosnuax uá 'ai quixun 'unanin.

Kashibo-Kakataibo Biblia

³⁰ Bërí cananuna ꞌunanin, upí oquin camabi ñu ꞌunánquin camina bana ñuixuanan bëtsi ñuribi ꞌan. A cupí cananuna mi ñucátëcënquinma, asérabi ca usa ꞌicë quixun ꞌunánan mix camina asérabi Nucën Papa Diosnuax uá ꞌai quixun ꞌunanin.

Juan 16:30 ပူးပေါင်းရင်းမြစ်များ

Juan 16:17

Ësoquian cacëx ca aín 'unánmicë unicama raírinëx canancëxa: —¿Uisai quicë bana cara, “ënu mitsubë 'itancëx nëtëtia camina 'ë istima 'ain. 'Ixunbi camina 'itsama nëtë́inshi 'ë 'istëcënti 'ai”, quianan, “anu Nucën Papa Dios 'icë anu cana cuanin” quicë ënëx 'ic?

Juan 16:23

A nëtën camina uisai quicë cara 'ën mitsu cacë bana ënëx 'icë quixun 'ë ñucánuxunma 'ain. Asérabi cana mitsu cain, 'ëx quicësabi oquinmi a ñucácëxun ca Nucën Papa Diosan mitsu 'axunti 'icën.

Juan 16:26

Usacëbëtan camina 'ënan cupí Nucën Papa Diosan mitsu 'aquinun ñucáti 'ain. 'Ëinshi mitsu a ñucáxunti caínquinma camina mitsúnbi abë banaquin a ñucáti 'ain.

Juan 16:31

Ësoquian cacëxun ca Jesusan aín 'unánmicë unicama cacëxa: —¿Usa 'ain caramina bërí pain 'ëx cana asérabi Nucën Papa Diosnuax uá 'ai quixun 'unanin?

Juan 2:11

Usoquin ca Jesusan Galilea menu 'icë ëma, Caná, anuxun aín sinanëinshi 'atabaquin uni itsin 'acëma ñu 'acëxa, uni itsin cushisamaira ca aín cushi 'icë quixuan unicaman 'unánun. Usaquian ñu 'aia isi ca aín 'unánmicë unicama ami catamëacëxa.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina 'ë nuibatin? Rabë́ 'imainun achúshi oquian —caramina 'ë nuibati —quixun cacëxun ca Simón Pedronën —¿uisoti cara 'ë 'itsoquin ñucatia? —quixun sinani masá nuituquin cacëxa: —'Ën 'Ibu, min camina camabi ñu 'unanin. Usa 'ixun camina 'ën cana mi nuibati quixun 'unanin. Quia ca Jesusan cacëxa: —'Ën carnero ca piminuxun 'at.

Juan 5:20

'Ën Papan ca 'ëxira aín Bëchicë 'icë nuibaquin an 'acë ñucama 'ë ismia. An ca mitsúnmi iscësamaira ñu, a isími mitsux ratúti, a 'ë isminuxun 'aia.

Juan 8:42

Usaquian cacëxun ca Jesusan cacëxa: —Nucën Papa Diosnuax cana 'ëx ënë menu uacën. 'Ëx cana 'ëxbi uáma 'ain, an ca ënu unun 'ë xuacëxa. Usa 'ain camina mitsux asérabi Nucën Papa Diosnan 'aish 'ëmi sinántsian.

Hebreos 4:13

Axa an unio 'aish Nucën Papa Diosmi unë́ti uisa ñubi ca 'aíma 'icën. An uni aín ñu 'acë cupí, uisa cara oti 'icë quixun 'unáncë, Nucën Papa Dios, an ca camabi ñua unin 'aia 'unánan aín nuitu mëúa chiquinaquinma sináncë ñubi 'unania.