Juan 16:17 - Nukën 'Ibu Diosan ain unikama 'inan ain bana

¹⁷ Ësoquian cacëx ca aín 'unánmicë unicama raírinëx canancëxa: —¿Uisai quicë bana cara, “ënu mitsubë 'itancëx nëtëtia camina 'ë istima 'ain. 'Ixunbi camina 'itsama nëtë́inshi 'ë 'istëcënti 'ai”, quianan, “anu Nucën Papa Dios 'icë anu cana cuanin” quicë ënëx 'ic?

Kashibo-Kakataibo Biblia

¹⁷ Ësoquian cacëx ca aín ꞌunánmicë unicama raírinëx canancëxa: —¿Uisai quicë bana cara, “ënu mitsubë ꞌitancëx nëtëtia camina ꞌë istima ꞌain. ꞌIxunbi camina ꞌitsama nëtë́inshi ꞌë ꞌistëcënti ꞌai”, quianan, “anu Nucën Papa Dios ꞌicë anu cana cuanin” quicë ënëx ꞌic?

Juan 16:17 ပူးပေါင်းရင်းမြစ်များ

Marcos 9:10

Usaquian Jesusan cacësabi oquin a ñucama ui unibi ñuixunímabi ca atúxbi cuni canani quiacëxa: —¿Uisai quicë cara, bamatancëx cana 'ëx baísquiti 'ai, quicë ax 'ic?

Marcos 9:32

Usaía quiabi ca atun cuama 'icën. Cuatímabi ca upí oquian ñuixunun Jesús catimi racuë́acëxa.

Lucas 18:34

Jesusan usaquin cacëxunbi ca aín 'unánmicë unicaman uisai cara quia quixun cuama 'icën. Uisai qui cara usai quia quixunbi ca 'unánma 'icën.

Lucas 9:45

Usaía quiabi ca atun cuama 'icën. Atúan cuaxunma 'anun ca Nucën Papa Diosan atu cuamiama pain 'icën. Usa 'ain ca upí oquian ñuixunun Jesús catimi aín 'unánmicë unicama racuë́acëxa.

Juan 12:16

Usai 'ia isquinbi ca aín 'unánmicë unicaman, a ñuiquin cuënëo bana quiásabi oi ca 'ia quixun 'unánma 'icën. Baísquitancëxa Jesús naínu cuantëcëan cuni ca a ñuiquian, usai ca 'iti 'icë quixun cuënëosabi oi ca 'iaxa quixun 'unáncancëxa.

Juan 14:22

Cacëxun ca Judas Iscariote ama, bëtsi Judasnën Jesús cacëxa: —¿Uisa cupí caramina nu uisaira caramina mix 'ai quixun ismiquinbi an Nucën Papa Diosan bana cuacëma unicamaribi ismitima 'ain?

Juan 14:5

Cacëxun ca Tomásnën cacëxa: —Uinu caramina cuanin, a cananuna 'unaniman. ¿Usa 'ixun caranuna uisaxun mix anun cuanti bai 'unánti 'ain?

Juan 16:1

Nucën Papa Diosmi manuaxmami 'icánun cana ënë bana mitsu ñuixunin.

Juan 16:16

Ënu mitsubë 'itancëxbi nëtëtia camina 'ë istima 'ain. 'Ixunbi camina 'itsama nëtë́inshi 'ë istëcëncanti 'ain. Anu Nucën Papa Dios 'icë anu cana cuanin.

Juan 16:18

Quianan ¿uisa cupi cara “'itsama nëtë́inshi” quiax quin? Cananuna cuatima —quiax canancëxa.

Juan 16:19

A ñucácatsi quiáxa canania 'unánquin ca Jesusan atu cacëxa: —Ënu mitsubë 'itancëx nëtëtia camina 'ë istima 'ain. 'Ixunbi camina 'itsama nëtë́inshi 'ë istëcënti 'ai quixun 'ën mitsu cacë bana ñui caramina cananin?

Juan 16:5

Bërí cana an 'ën xuá anu cuanin, abë 'i. Ësaquin 'ën cacëxunbi camina mitsu achúshinënbi uinuira carana cuanin quixun 'ë ñucatiman.