Juan 14:5 - Nukën 'Ibu Diosan ain unikama 'inan ain bana

⁵ Cacëxun ca Tomásnën cacëxa: —Uinu caramina cuanin, a cananuna 'unaniman. ¿Usa 'ixun caranuna uisaxun mix anun cuanti bai 'unánti 'ain?

Kashibo-Kakataibo Biblia

⁵ Cacëxun ca Tomásnën cacëxa: —Uinu caramina cuanin, a cananuna ꞌunaniman. ¿Usa ꞌixun caranuna uisaxun mix anun cuanti bai ꞌunánti ꞌain?

Juan 14:5 ပူးပေါင်းရင်းမြစ်များ

Mateo 10:3

Raírinëx ca Felipe cacë 'imainun Bartolomé cacë 'imainun Tomás 'imainun Mateo, an 'apu buánmiti curíqui bicë, acama 'iacëxa. 'Imainun ca Jacobo, Alfeonën bëchicë, a 'imainun Lebeo 'icëbi Tadeoribi cacë a 'iacëxa.

Marcos 9:19

Quia cuaquin ca Jesusan anu 'icë unicama cacëxa: —Mitsun camina Nucën Papa Dios ax ca asérabi cushi 'icë quixun sinaniman. ¿Mitsúxmi 'ëmi catamënun carana uiti nëtën mitsu 'unánmiti 'ain? ¿Uitishi oi carana 'ëx mitsu cupí masá nuituti 'ain? 'Ë ca a tuá bëxun.

Lucas 24:25

Usaquian cacëxun ca Jesusan cacëxa: —Upí oquin camina sinaniman. An Nucën Papa Dios quicë bana uni ñuixuncë unin cuënëo banax ca asérabi 'icë quixun camina sináncëma 'ain.

Juan 11:16

Cacëxun ca rabë́ bacë́an 'icë Gemelo caquin anëcë, Tomás, an Jesusan 'unánmicë uni raíri cacëxa: —Nuxribi abë bamai cuanun ca cuan.

Juan 14:4

'Ëx anu cuanti a 'unánan camina ëx anun cuanti bai aribi mitsun 'unanin.

Juan 15:12

Ënëx ca asérabi ax quicësaími 'icanti bana a 'icën: 'Ën mitsu nuibacësaribiti camina bëtsibë bëtsibë nuibananti 'ain.

Juan 16:5

Bërí cana an 'ën xuá anu cuanin, abë 'i. Ësaquin 'ën cacëxunbi camina mitsu achúshinënbi uinuira carana cuanin quixun 'ë ñucatiman.