Juan 13:8 - Nukën 'Ibu Diosan ain unikama 'inan ain bana

⁸ Cacëxun ca Pedronën cacëxa: —'Ëx mi meuira 'icë camina uisa nëtë́nbi min 'ë tachucatima 'ain. Ësoquian cacëxun ca Jesusan catëcëancëxa: —'Ën mi chucacëma 'aish camina 'ënan 'itima 'ai —quixun.

Kashibo-Kakataibo Biblia

⁸ Cacëxun ca Pedronën cacëxa: —ꞌËx mi meuira ꞌicë camina uisa nëtë́nbi min ꞌë tachucatima ꞌain. Ësoquian cacëxun ca Jesusan catëcëancëxa: —ꞌËn mi chucacëma ꞌaish camina ꞌënan ꞌitima ꞌai —quixun.

Juan 13:8 ပူးပေါင်းရင်းမြစ်များ

Génesis 42:38

Usai kiabi ka Jacobnën aín bëchikë kakëxa: —'Ën bëchikë aín 'anáka ënë 'ikëbi kana mitsukëñun xutima. Aín xukë́n José ka ñuakëxa usa 'ain ka aratsushi tikiaxa. Mitsubë kuania ñu 'aisama inuti ñuanan 'ikëbë kaina uisai 'iti 'ain, mitsux kamina 'uchakë 'iti 'ain 'ëx kaniakëkë 'aish 'itsaira masá nuituti ñukëbë.

Mateo 16:22

Usaria quia oquin ca Pedronën Jesús amo nitsinaxun ñu caquin cacëxa: —Usai camina 'itima 'ain, Nucën Papa Diosax ca mixmi usai 'iti cuëëntima 'icën.

Mateo 21:29

Cacëxun ca aín bëchicënën caxa: Cana cuaniman. Usaquin caxbi ca sinanabiani ñu mëëi cuanxa.

Mateo 26:33

Usaía quia ca Pedronën cacëxa: —Raírinëxa mi ëbiani axa mimi nishcë unicamami racuëti abácëbëbi cana 'ëxëshi mi ëbiani abátima 'ain.

Mateo 26:35

Cacëxun ca Pedronën Jesús cacëxa: —'Ëx mibë bamanuxunbi cana, 'ën cana mi 'unáncëma 'ai quixun uni parántima 'ain. Ësaquian caia ca raírinënribi cacëxa.

Juan 13:6

Tatërëntancëxa aribishi tachucati aia ca Simón Pedronën Jesús cacëxa: —¿Min caramina 'ë tachucati 'ain?

Juan 13:9

Cacëxun ca Simón Pedronën: —Usa 'ain ca 'ën taëishi 'axunma 'ën mëcën rabë́ 'imainun 'ën maxcáribi chucat —quixun cacëxa.

Juan 3:5

Nicodemonën cacëxun ca Jesusan cacëxa: —Usama ca. Asérabi cana 'ën mi cain, 'unpax 'imainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan 'itima 'icën.

Hechos 22:16

Usaími 'inúan caíscë 'aish camina bënëtishi nirui min 'uchacama tërë́nun Nucën 'Ibu Jesúsmi catamëti nashimicë 'iti 'ain.

1 Corintios 6:11

Usa uni camina mitsu raírinëx 'iacën. 'Iá 'aínbi ca mitsun ñu 'atima 'acëcama tërë́ncë 'ain mitsun nuitu upí 'icën. Usa 'aish camina Nucën 'Ibu Jesucristo cupí, Nucën Papa Diosan Bëru Ñunshin Upitan 'imicëx, an iscëx ainan 'ain.

Efesios 5:26

Aín unicama aín nuitu upí 'imiquin ca Cristonën ax aín sinan 'aisama 'icëbi bëtsi oquin aín sinan upí 'imia. Usoquin ca ax quicësabi oquían 'anun aín bana 'unánmiquin aín unicama aín nuitu upí 'aísha chucacësa 'inun 'imia.

Colosenses 2:18

Atúnbi ca —'ëx asama 'ixun cana Nucën Papa Diosma ángelcamaishi rabiti 'ai —quixun sinánquin atúnbi sináncë ñu ñui rabíquin unicana bana ñuixunia. Usa 'ain camina Cristonan 'iti ëntin rabanan atúan mitsu ñuixuncë bana a tantima 'ain.

Colosenses 2:23

—Usaquin 'ën ñu 'acë ax ca asérabi 'icë —quixun sinánquin an usashi oquin ñu 'acë uni a isquin ca uni itsin sinánti 'icën, ax isa asérabi sinánñuira 'icë quixun. Usa 'aínbi ca usaquin ñu 'aíbi aín nuitu usabi upíma 'ia.

Tito 3:5

Usoquin ca nun ñu upí 'acë cupíma, nuibaquinshi nu ainan 'inun ië́miacëxa. Ië́miquin ca bacë́ntëcëncësa 'inun nun 'uchacama tërë́nquin aín Bëru Ñunshin Upitan nu bëtsi ocëxa.

Hebreos 10:22

A cupí nun 'uchacama tërë́ncë 'aish cananuna uisa ñu cara 'aisama 'icë quixunu 'unánquin mëníocë 'aish asérabi ax cuëëncësabi oi 'iisa tani Nucën Papa Diosbë banati 'ain, an ca cuati 'icë quixun 'unani. Ax Nucën Papa Diosbë banai tabernáculo xubunu atsínux ca sacerdote aín 'ucha tërë́ncë 'ianan upiti nashi mëníocacëxa. Usaribiti cananuna Jesucristo cupí chucacësa 'aísha nun nuitu, nun sinan upí 'ain Nucën Papa Diosbë banain.

Apocalipsis 1:5

An uisaira cara Nucën Papa Dios 'icë quixun uni 'unánmicë, Jesucristonënribia nuibaquin 'aquincëxmi mitsux chuámarua 'iti cana cuëënin. Ax utëcëncëbë aín unicamaxribi bama 'aíshbi baísquinun, ca ax pain bamatancëx baísquiacëxa. Ax ca ënë nëtënu 'icë 'apucaman 'apu a 'icën. An ca nu nuibanan nun 'ucha cupí aín imi 'apati bama 'ixun nun 'uchacama tërë́anan,

Apocalipsis 7:14

Cacëxun cana can: —'Ën cana 'unaniman. Min camina 'unanin. Cacëxun ca 'ë caxa: —'Ënë unicaman ca ami sináncë cupí 'aisamaira tëmëraquinbi Nucën Papa Diosmi catamëti ëncëma 'icën. Atux ca Carnero 'icësaribitia unin 'ucha cupí aín imi 'apati bama, ami catamëti aín 'uchacama tërë́ncë 'aish aín nuitu upí 'aish chucacësa 'icën, aín chupa uxuira axa chuañumasa 'inun.