Juan 11:27 - Nukën 'Ibu Diosan ain unikama 'inan ain bana

²⁷ Usaquian cacëxun ca Martanën cacëxa: —Mix camina Nucën Papa Diosan Bëchicë, Cristo, axa utinu nun caíncë a 'ai quixun cana 'unanin.

Kashibo-Kakataibo Biblia

²⁷ Usaquian cacëxun ca Martanën cacëxa: —Mix camina Nucën Papa Diosan Bëchicë, Cristo, axa utinu nun caíncë a ꞌai quixun cana ꞌunanin.

Juan 11:27 ပူးပေါင်းရင်းမြစ်များ

Mateo 11:3

Xucëx cuanxun ca Juanën cacësabi oquin ñucáquin Jesús cacëxa: —¿Mix caramina asérabi axa uti nun caíncë a 'ain? ¿Mixmi ama 'ain caranuna bëtsi uníxa uti nun caínti 'ain?

Mateo 16:16

Quia ca Simón Pedronën cacëxa: —Mix camina axa bamatimoi tsócë Nucën Papa Dios aín Bëchicë, Cristo, axa utinu nun caíncë, a 'ain.

Mateo 16:20

Usaquin Pedro catancëxun ca aín 'unánmicë unicama Jesusan cacëxa: —'Ëx cana ax utia judíos unibunën caíncë Cristo a 'ai quixun camina uinu 'icë unibi catima 'ain.

Lucas 2:11

Ënë nëtën ca bacë́anxa anuax David bacë́an ëmanuax an camabi uni aín 'ucha tërë́ncë 'aish Nucën Papa Diosnan 'inun ië́miti. Ax ca Nucën 'Ibu Cristo, a 'icën.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë 'ianan Israel unicaman 'apu 'ain.

Juan 4:42

Usai 'iquin ca a unicaman a xanu cacëxa: —Minmi nu cacëxun cuaxunbi cananuna bërí nunbi aín bana cuaquin 'unanin, asérabi ca ax Cristo, an camabi menu 'icë uni Nucën Papa Diosnan 'inun ië́miti, a 'icë quixun.

Juan 6:14

Usaquian Jesusan 'aia isi ca anu 'icë unicamax quiacëxa: —Asérabi ca ënë uni axa Nucën Papa Dios quicë bana uni ñuixuni utinu nun caíncë, a 'icën.

Juan 6:69

Nux mimi catamëquin cananuna 'unan, mix camina axa uti nun caíncë, Cristo, Nucën Papa Dios, axa bamatimoi tsócë, aín Bëchicë a 'ain.

Hechos 8:36

Ñuixunbiancëxun ca baca cuëbí 'urama cuanquin, a unin Felipe cacëxa: —Ënu ca baca 'icën. ¿Anuxun caramina 'ë nashimitima 'ain?

Hechos 8:37

Cacëxun ca Felipenën cacëxa: —Asérabi Jesucristo min nuitunënbi sinanimi ami catamëtia cana mi 'ati 'ain. Quixuan cacëxun ca a unin Felipe cacëxa: —Jesucristo ax ca asérabi Nucën Papa Diosan Bëchicë 'icë quixun cana 'unanin.

1 Juan 5:1

An —Jesús ax ca Cristo, axa utia judíos unicaman caían, Nucën Papa Diosan Bëchicë, a 'icë —quixun sináncë unicamax ca Nucën Papa Diosan bëchicëribi 'icën. Uicamax cara Nucën Papa Diosmi sinania ax ca aín bëchicëcamamiribi sinania.

1 Juan 5:20

'Unánan cananuna ësaquinribi 'unanin, aín Bëchicënën ca ënë menu ax uá 'aínu ami catamëtia uisa cara Nucën Papa Dios, axëshia asérabi Dios, ax 'icë quixun nu 'unánmia. Aín Bëchicë, Jesucristo, ax nubë 'ain cananuna an 'aquincëx ax cuëëncësabi oi tsotin. Ax ca axëshi asérabi Dios 'aínu nux ainan 'aish abë xënibua 'aínbi 'iti a 'icën.