Juan 1:50 - Nukën 'Ibu Diosan ain unikama 'inan ain bana

⁵⁰ Cacëxun ca Jesusan cacëxa: —¿Higuera tanáinua cana mi isan 'ën mi cacëxun caramina bërí, ënëx ca Nucën Papa Diosan Bëchicë 'icë quixun 'ë sinanin? Minmi 'ë iscësamaira oquin camina 'ën ñu 'aia isnuxun 'ain.

Kashibo-Kakataibo Biblia

⁵⁰ Cacëxun ca Jesusan cacëxa: —¿Higuera tanáinua cana mi isan ꞌën mi cacëxun caramina bërí, ënëx ca Nucën Papa Diosan Bëchicë ꞌicë quixun ꞌë sinanin? Minmi ꞌë iscësamaira oquin camina ꞌën ñu ꞌaia isnuxun ꞌain.

Juan 1:50 ပူးပေါင်းရင်းမြစ်များ

Mateo 13:12

An 'ën bana cuaquin a bana quicësabi oquin 'acë uni a ca 'ën bana itsiribia cuanun Nucën Papa Diosan 'unánmiti 'icën. Usa 'aínbi ca an 'ën bana cuaquinbi sináncëma uni a, an isa 'unánxa quixuan sináncë bana a camabi Nucën Papa Diosan manumiti 'icën.

Mateo 21:19

Pananquiani cuanquin ca higuera cacë i, bai cuëbí nicë, isbiani anu cuanquinbi tuáñuma 'aísha aín pëchishi ocëxa. Usa 'icë isquin ca Jesusan cacëxa: —Min camina tuatëcëntima 'ain. Usaquian cacëxëshi ca higuera i chushi xanáncëxa.

Mateo 25:29

Uisa ñu cara a 'ináncë 'icë anúan an cacësabi oquin ñu 'acë uni a ca aín 'ibun 'inántabaquin 'ináncësamaira oquin 'inántëcënti 'icën. Usonan ca anúan aín 'ibu ñu 'axuncëxunma a 'ináncë ñu a aín 'ibun bicuanti 'icën.

Lucas 1:45

Nucën 'Ibu Dios quicësabi oi ca asérabi 'iti 'icën. Ca usai 'iti 'icë quixun sinani camina cuëëinra cuëënti 'ain.

Lucas 7:9

Usaía capitanën xucë unicama quia cuati cuëëni cuainacëquin ca Jesusan an nuibiancë unicama cacëxa: —'Ën cana mitsu cain, ënë uníxa 'ëmi catamëcësaribitia 'ia cana judío uni achúsibi ca 'ën bana cuatia. 'Ën suntáru —ca cuantan —quixun 'ën cacëx ca cuania. —Ca ut —hibi iscëma 'ain.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë 'ianan Israel unicaman 'apu 'ain.

Juan 1:51

Ësaquinribi ca Jesusan Natanael cacëxa: —Asérabi cana mitsu cain, naí panárabëcëbëtan camina uni 'inux 'ëx anuax uá, 'ë manáminuaxa Nucën Papa Diosan ángelcama cuaruanan ubutia isnuxun 'ain.

Juan 11:40

Usaquian cacëxunbi ca Jesusan Marta cacëxa: —'Ën cana mi can, asë́rabi 'ëmi catamëquin camina Nucën Papa Diosan aín cushin ñu 'aia isti 'ain. ¿Usa cat?

Juan 20:29

Cacëxun ca Jesusan cacëxa: —Tomás, bërí camina 'ë baísquicë isquin, asérabi cana 'ën Papa Diosnuax uá 'ai quixun 'unanin. An 'ë isquinmabi, asérabi cana 'ëx a 'ai quixun sináncë uni, a ca Nucën Papa Diosan chuámashirua tani cuëënun 'imia.