Juan 1:38 - Nukën 'Ibu Diosan ain unikama 'inan ain bana

³⁸ Nuibiancëxun caxu bësuquin isquin ca Jesusan cacëxa: —¿Añu caramina barin? Cacëxun ca ñucácëxa: —¿Uinu cara min 'iti 'ic, rabí? (Rabí quicë bana, ax ca an uni 'unánmicë uni qui quicë 'icën.)

Kashibo-Kakataibo Biblia

³⁸ Nuibiancëxun caxu bësuquin isquin ca Jesusan cacëxa: —¿Añu caramina barin? Cacëxun ca ñucácëxa: —¿Uinu cara min ꞌiti ꞌic, rabí? (Rabí quicë bana, ax ca an uni ꞌunánmicë uni qui quicë ꞌicën.)

Juan 1:38 ပူးပေါင်းရင်းမြစ်များ

Lucas 10:39

'Atsíntancëxuan bana ñuixunia ca Martanën xucën, María, axribi anu 'ixun, a tanáin tsóxun Jesusan bana upí oquin cuacëxa.

Lucas 14:25

'Aisamaira uníxa abë cuania ca a isi cuainacëquin Jesusan ësoquin cacëxa:

Lucas 15:20

Usaquin sinántancëx ca aín papanu cuanxa. Cuania ca 'uránxunbi aín papan mëraxa. Mërai nuibati cuëëni abáquiani cuanxun ca 'icúquin biquin bëtsucucaxa.

Lucas 19:5

Usaía anu 'icë ca Jesusan anun cuanquin manámi bësuquinbi mëraquin ësaquin cacëxa: —Zaqueo, bënëtishi ca 'ibúcuatsini ut. Bërí cana min xubunu 'i mibë cuainsa tanin.

Lucas 22:61

Banacëbë cuainacëquin ca Nucën 'Ibu Jesusan Pedro ñachaquin isacëxa. Ñachacëxun ca Pedronën ësaquian Jesusan a cacë bana sináncëxa: Ënë imë́ camina 'atapa banatisama pan 'ain, min isamina 'ë 'unáncëma 'ai quixun 'ë ñuiquin rabë́ 'imainun achúshi oquin uni paránti 'ain.

Lucas 8:38

Cuaniabi ca anuaxa ñunshin 'atima chiquícë uni an abë cuancatsi quixun Jesús cacëxa. Cacëxunbi ca Jesusan aín xubunua cuantánun quixun xuquin abë cuanxma 'inun cacëxa.

Juan 1:37

Usaía quia cuaquin ca Juanën 'unánmicë uni rabëtan Jesús nuibiancëxa.

Juan 1:39

¿Uinu 'icë cara min 'iti 'ic? quixun cacëxun ca Jesusan cacëxa: —Isi cuanun ca ut. Cacëx cuanxun ca aín 'iti isacëxa, istancëx ca bari xupíbucëbëa baquíshti 'urama 'ain abë 'iacëxa.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë 'ianan Israel unicaman 'apu 'ain.

Juan 12:21

Cuanxun ca Galilea menu 'icë ëma itsi, Betsaida, anu 'icë uni, Felipe, a mëraquin cacëxa: —Jesús cananuna istisa tanin.

Juan 18:4

Ami bëbaia ca, bëráma usocanti 'unánxunbi 'ë uisoi cara aia quixun sinánquin mëramiquin Jesusan atu cacëxa: —¿Ui caramina baricanin?

Juan 18:7

Usai 'ia ca amiribishi Jesusan ñucátëcëancëxa: —¿Ui caramina baricanin? Cacëxun ca: —Jesús, Nazaretnu 'icë uni, a cananuna bari —quixun cacancëxa.

Juan 3:2

Usa 'ixun ca anu ñantan cuanxun Jesús cacëxa: —Unían mix camina cushiira 'ai quixun 'unánun camina uinu 'icë unínbia 'acëma ñu 'ain. Nucën Papa Diosa abëma 'ain ca uinu 'icë unínbi minmi 'acësoquin ñu 'atima 'icën. Usa 'ain cananuna 'unan, Nucën Papa Diosan ca minmi nu 'unánminun ënë menu mi xuacëxa quixun.

Juan 3:26

Usai cuëbicananquiani anu cuanxun ca Juan cacëxa: —A ñuiquinmi nu cacë uni axa mibë Jordán 'ucë manan 'icë, Jesús, an unicama nashimicëbë ca camabi unix anu ricuatsinia.

Juan 4:31

A xanúa cuancëbëtan ca aín 'unánmicë unicaman Jesús —camina piti 'ai —quixun cacëxa.

Juan 6:25

Usa 'ain ca 'ucë manan cuanxun bariquin mëraquin Jesús cacëxa: —¿Uinsaran caramina ënu uan?

Hechos 10:21

Cacëx 'ibúquin ca Cornelionëan xucë unicama Pedronën cacëxa: —'Ëx cana ami baricë a 'ain. ¿Añuai caina uan?

Hechos 10:29

Usa 'ain cana min 'ë camicëx, judío uni 'aish, cana cuanima quixun sinanima bënëtishi uan. Usa cupí cana uisoti caramina 'ë camia quixun 'unántisa tanin.