Génesis 45:5 - Nukën 'Ibu Diosan ain unikama 'inan ain bana

⁵ usa 'ain kamina 'atimakin kana 'a kixun sinani ubikantima 'ain, mitsun kamina 'ë maruakën usa 'aínbi ka Nukën 'Ibu Diosan 'ë pain mitsúxmi tëmëraia 'akinun ënë menu 'ë bëakëxa.

Kashibo-Kakataibo Biblia

⁵ usa ꞌain kamina ꞌatimakin kana ꞌa kixun sinani ubikantima ꞌain, mitsun kamina ꞌë maruakën usa ꞌaínbi ka Nukën ꞌIbu Diosan ꞌë pain mitsúxmi tëmëraia ꞌakinun ënë menu ꞌë bëakëxa.

Génesis 45:5 ပူးပေါင်းရင်းမြစ်များ

Génesis 37:28

Usakin kininu nipakë basimashika an ñumarukë unikama uakëxa, 'aia iskin ka José kininua bitankëxun, aín xukë́nkaman an ñu marukë unikama veinte kuríki manë 'akë kupín maruakëxa. Usokin marukëxun ka José Egipto kakë menu buánkëxa.

Génesis 47:25

Kakëxun ka atun kakëxa: —Mix kamina nubë upí 'ain usa 'ixun kamina numin bamati 'ikëbi nukama 'akian. Usa 'aish kananuna faraón tëmërakin ñu mëëxuni nukama 'iti 'ain, kiax ka kanankëxa.

Génesis 50:19

'Aínbi ka Josénën atu kakëxa: —Kamina rakuënkantima 'ain. 'Ëx kana Diosma 'ain.

Génesis 50:20

Mikaman kamina 'ë 'atima oti sinánkën, usakin mitsun 'aiabi ka Nukën 'Ibu Diosan 'atima okin 'akë a upíokin bërínu iskë ñukama ënë mëníoxa: usa 'ain kana 'ën 'itsaira uni bamati 'ikëbi 'akian.

Génesis 50:21

Usa 'ain kamina mitsux rakuë́tima 'ain. 'Ën kana mikama 'imainun mitsun bëchikëkamaribi aín piti ñu 'inánti 'ain. Ësokin kakin ka Josénën aín xukë́nkama upíokin sinánmiakëxa.

Lucas 23:34

Suntárunëan usoquin 'acëxun ca Jesusan Nucën Papa Dios cacëxa: —Papan, ënë unicaman ca añu cara 'aia quixun 'unanima. Usa 'icë camina atun 'ucha tërë́nquin manumiti 'ain. Usa 'ain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti 'icë iscatsi quixun ñuratsu pain niquin tancëxa.

2 Corintios 2:11

Usoquin manucëma 'icë ca ñunshin 'atimanën 'apu, Satanás, an nu 'atimaquin sinánmiquin 'atimamiti 'icën. Usa ca ax 'icë quixun cananuna 'unan. An usoquin nu 'atimaquin sinánmiti rabanan cananuna aín 'ucha manui a unibë upí 'iti 'ain.

2 Corintios 2:7

Usaquin 'acëxa sinanatia camina aín 'acë ñu manuquin a nuibaquin aín masá nuitucë nëtë́miquin, upí oquian sinánun 'aquinti 'ain, axa 'aisamaira masá nuituti rabanan.

Filemón 1:15

Ënanantëcëntimoi mibë 'iti cupí sapi ca Onésimonën mi ëanxa.