Génesis 43:11 - Nukën 'Ibu Diosan ain unikama 'inan ain bana

¹¹ Usa 'ain ka aín papan ësokin kakëxa: —Anun nun ënëñu mëníoti bëtsi ñu ka 'aíma 'ikën, usa 'ain kamina ësokin 'ati 'ain: mitsun pisha kamanu kamina a uni 'inaishiti kuanxun achúshi ñu buánti 'ain. Ënë menuxun uniokë ñu upíira: bálsamo kakë sanuira chukúma 'imainun buna rëpa chukúmashi 'imainun ro tsëpasa 'imainun i baka 'akë ro akëñun ro ua upíira nun menua 'ikë aribi buánti 'ain.

Kashibo-Kakataibo Biblia

¹¹ Usa ꞌain ka aín papan ësokin kakëxa: —Anun nun ënëñu mëníoti bëtsi ñu ka ꞌaíma ꞌikën, usa ꞌain kamina ësokin ꞌati ꞌain: mitsun pisha kamanu kamina a uni ꞌinaishiti kuanxun achúshi ñu buánti ꞌain. Ënë menuxun uniokë ñu upíira: bálsamo kakë sanuira chukúma ꞌimainun buna rëpa chukúmashi ꞌimainun ro tsëpasa ꞌimainun i baka ꞌakë ro akëñun ro ua upíira nun menua ꞌikë aribi buánti ꞌain.

Génesis 43:11 ပူးပေါင်းရင်းမြစ်များ

Génesis 33:10

Kakëxunbi ka Jacobnën amiribishi katëkëanxa: —Ax ka uisokin kaina min sinanin 'unántisa tankin 'akë 'ikën, usa 'ain kamina bërí mi 'inaishikë ñuinakama ënë biti 'ain, usa 'ain kana 'unánti 'ain, upiokinmi 'ë bikë ax ka Nukën 'Ibu Diosbë isanankësa 'iti 'ikën, min kamina 'ë upíokin bian usa 'ain ka minmi 'ë bikë ax asábi 'ikën.

Génesis 37:25

Usokin 'atankëx ka anuxuan 'akë anubi pi. Buküakëxa bukuxun iskëxbi ka an ñu marukë ismaelita unikama Galaab kakë me anuax uakëxa. Ukin ka aín camellonën bëakëxa 'inínti ro sanuira 'imainun sanu ro i baka 'akë tsëpasa akama Egipto menu maruti ubani kuani uakëxa.

Génesis 43:10

Ënuax 'itsaira banai panatima kuanx kuni kananuna rabëti kuantankëx ukë 'itsían.

Génesis 43:14

Usa 'aínbi ka Nukën 'Ibu Dios ax kamabi kushiñu an mitsua uisabi okima nuibanun 'imianan, min xukë́n sipunu 'ikë a ënun sinánmikin Benjamín utëkënun upíokin sinánmiti 'ikën. Usa 'ain kana 'ën bëchikëkama nëtë́këbë, bëchikëñuma 'ëx 'iti 'ain.

Génesis 43:15

Usakian Jacobnën kakëxun ka aín bëchikëkaman anu 'ikë 'apu 'inaishiti kuanti ñukama bianan, pishami kuríki këxtuira bianan, Benjamínribi bibiani Egiptonu kuankëxa. Kuantankëx ka anua José 'ikë anu bëbakëxa,

Génesis 43:25

Usa 'ain ka a 'inainshiti bëkë ñukama mëníokin, José ka bari maníkëbë atubëtan pi uti 'ikë kixun 'unánxun kaíankëxa.

Génesis 43:26

Usakian kainkëxa aín xubunu bëbaia ka atúan 'inainshitia uankë ñukama a 'inánkëxa, 'inani ka ami rantinpuruni aín bëmánan memi bëtiki tsóbuakëxa.

Hechos 21:14

Usai quia Jerusalénu cuancatsi quia cananuna Pablo sinanamicasmacën. Usa 'ain cananuna quiacën: —Nucën 'Ibu Dios cuëëncësabi oi ca 'iti 'icën.