Génesis 42:21 - Nukën 'Ibu Diosan ain unikama 'inan ain bana

²¹ 'aínbi ka atúxbi bëtsibë bëtsibë kanankëxa: —Asérabi kananuna nun xukë́nbë 'atimonankën, nun kananuna nua uisabi oxuma 'anun kakëxun kuakin nuibama 'ain, axa tëmëraia iskinbi. Usa 'ain kananuna nuxribi bërí tëmërain.

Kashibo-Kakataibo Biblia

²¹ ꞌaínbi ka atúxbi bëtsibë bëtsibë kanankëxa: —Asérabi kananuna nun xukë́nbë ꞌatimonankën, nun kananuna nua uisabi oxuma ꞌanun kakëxun kuakin nuibama ꞌain, axa tëmëraia iskinbi. Usa ꞌain kananuna nuxribi bërí tëmërain.

Génesis 42:21 ပူးပေါင်းရင်းမြစ်များ

Génesis 41:9

Usakian atun ñuixunkëbëma ka an faraón aín xëati 'inánkë uni aín kushi, ax kiakëxa: —Bërí kana sinanatin usai 'iti 'aímabi kana 'ëx a sinanima manuan.

Génesis 44:16

Kia ka Judánën kakëxa: —¿Uisakin karanuna nukaman mi kati 'ain? ¿Uisaxun karanuna ñu 'akëma 'ixun nun kananuna 'an kixun mi kati 'ain? Nukën 'lbu Diosan nux 'uchakë 'unánkë 'ain kamina. Nukama min ñu mëmikë uni 'inun 'imiti 'ain; 'imikin kamina, aín pishanua min manë xampa bikë abëbi, min ñu mëmikë uni 'inun nukama 'imiti 'ain.

Génesis 45:3

Usai 'itankëxun ka Josénën aín xukë́nkama kakëxa: —'Ëx kana José a 'ain. ¿Nun pa kara bëríbi tsótax? Ësakian kakëx a bëtánain 'aish ratúkin ka uínbi uisokinbi káma 'ikën.

Génesis 50:15

Aín papa Jacob ñukë 'ain ka Josénën xukë́nkaman ësokin sinánkëxa: Bërí sapika Josénën nun painu 'atimo a sinánkin nuribi 'atima oti 'ikën.

Mateo 7:2

Mitsúnmi uni itsin ñu 'aia isquin a uni 'uchoia ca Nucën Papa Dios 'imainun unínribi, mitsúnribi caramina uisa ñu 'ai quixun isti 'icën. Mitsun —min usa ñu 'ati ca 'aisama 'icë —quixun uni itsi cacë 'ixunbi usaribi oquin 'aia ca Nucën Papa Dios 'imainun unínribi mitsúnmi bëtsi uni 'uchocësaribi oquin mitsu 'uchoti 'icën.

Marcos 9:48

Anuax ca an nami picë xënacama bamaima, manë tsi axribi ca uisa nëtë́nbi bënamëtima.

Lucas 16:28

'Ëx cana mëcën achúshi xucë́nñu 'ain. Atúxribi ënu paë tani tëmërai uaxma 'inuan, uisa cara ënu 'icë quixun atu canun camina Lázaro xuti 'ain.

Hechos 19:18

Usaía 'icëbë uxun ca axa Jesúsmi catamëcë 'itsa unin —usaribi oquin cana 'ën ñu 'atima 'acë —quixun chiquinacëxa.

Santiago 2:13

Anúan an camabi unin ñu 'acë isti nëtë anun ca Nucën Papa Diosan, an bëtsi uni nuibaquin 'aquincëma unicama a aín 'ucha cupí uisa cara oti 'icë usoquin 'ati 'icën. Usonan ca an bëtsi uni nuibaquin 'aquincë unicama ashi uisabi otima 'icën.

1 Juan 1:9

Usa 'aínbi cananuna 'unánti 'ain, nun nu nun 'uchacama chiquinaxuncëxun ca Nucën Papa Diosan, ax upí 'ixun ax quicësabi oquin 'aquin, nun 'uchacama nu tërë́nxunquin upí 'inun nu 'imiti 'icën.