Génesis 33:9 - Nukën 'Ibu Diosan ain unikama 'inan ain bana

⁹ —Kakëxunbi ka Esaúnën usama ka kakëxa: —'Ëx ribi kana ñuinañu 'ain, usa 'ain ka min ñu ax minanbi 'iti 'ikën.

Kashibo-Kakataibo Biblia

⁹ —Kakëxunbi ka Esaúnën usama ka kakëxa: —ꞌËx ribi kana ñuinañu ꞌain, usa ꞌain ka min ñu ax minanbi ꞌiti ꞌikën.

Génesis 33:9 ပူးပေါင်းရင်းမြစ်များ

Génesis 27:39

Usaia 'ia kuankin ka Isaacnën aín bëchikë kakëxa: “Ka kuat, mix kamina me anua ñu 'apákëbi 'irukëma a menu 'ianan anua 'uí 'ibucëma me anu 'inuxun 'ain.

Génesis 27:40

Usai 'i kamina min manë xëtokë anun 'akanani mëanani tsóti kamina min xukë́n 'anáka an ñu mëëmikë 'inuxun 'ain; usai 'i kamina min rëbúnkikama kushitëkënti aín, ënë menuax chikíax kamina mibi tsónuxun 'ain.”

Génesis 27:41

Usakian 'akë 'ain ka Esaúnën ami xuamati nishkin Jacob istisama tankëxa aín papan upíokin sinánxunkin kakë kupín, 'imainun ka sinánkëxa: “Ënuax basiramashi kana 'ën papa ñukëbë 'itsaira masá nuituti nitë́xëti 'ain, usai 'ikin kana 'ën xukë́n Jacob rëti 'ain.”

Génesis 33:10

Kakëxunbi ka Jacobnën amiribishi katëkëanxa: —Ax ka uisokin kaina min sinanin 'unántisa tankin 'akë 'ikën, usa 'ain kamina bërí mi 'inaishikë ñuinakama ënë biti 'ain, usa 'ain kana 'unánti 'ain, upiokinmi 'ë bikë ax ka Nukën 'Ibu Diosbë isanankësa 'iti 'ikën, min kamina 'ë upíokin bian usa 'ain ka minmi 'ë bikë ax asábi 'ikën.

Génesis 4:9

Usokin 'akë ka Nukën 'Ibun Caín ñukákin kakëxa: —¿Uinu kara min xukë́n Abel 'it? Kakëxunbi ka Caínën kakëxa: —Kana 'unániman. ¿'Ën karana 'ën xukë́n nitsia bërúanti 'ain?

Hechos 21:20

Usaquian Pablonën ñuixuncëxun ca —asábi ca —quixun caquin Nucën Papa Dios rabiacëxa. Rabitancëxun ca Pablo ësaquin cacëxa: —Asábi ca. Usa 'aínbi camina 'unanin, 'aisamaira judíos unicamax ca Jesúsmi sinánxa. Sinánxunbi ca ësaquinribi sinania, Moisésnëan usai judíos unicama 'iti cuënëo bana quicésabi oi cananuna 'iti 'ai quixun.

Hechos 9:17

Usaquian Jesusan cacëx ca Ananías anua Saulo 'icë xubunu cuancëxa. Cuanx atsínxun ca aín mëcënan ramëquin Saulo cacëxa: —'Ën xucën Saulo, axa anúnmi ucë bainuax mibë banaëxancë, Nucën 'Ibu Jesús, an ca minu unun 'ë xuaxa, amiribishi istëcëananmi aín Bëru Ñumshin Upíñu 'inun.

Filemón 1:16

Min ñu mëëmicë unishi 'iá 'aíshbi ca bërí Onésimo Jesucristomi catamëcë 'aish min xucë́nsa 'iti 'icën. 'Ën cana a nuibatin. Usa 'icëbi camina miinra 'ën 'acësamaira oquin a nuibati 'ain, min ëmanu 'icë cupishima, Jesucristomi catamëcë 'aísha min xucë́nsa 'icë.

Filemón 1:7

'Ën xucën, cana mi cain, axa anuax Jesucristomi catamëcë uni raírinëan masá nuitucë 'ixunbi minmi nuibaquin 'aquincëxun upí oquin sinania ñuia cuaquin cana cuëënquin upí oquin sinan.