Génesis 14:21 - Nukën 'Ibu Diosan ain unikama 'inan ain bana

²¹ 'Inánkëxunbi ka Sodomanu 'ikë 'apun Abram kakëxa: —Unikama ashi 'ë 'inánan kamina min bikë raíri ñukamabi buánti 'ain.

Kashibo-Kakataibo Biblia

²¹ ꞌInánkëxunbi ka Sodomanu ꞌikë ꞌapun Abram kakëxa: —Unikama ashi ꞌë ꞌinánan kamina min bikë raíri ñukamabi buánti ꞌain.

Génesis 14:21 ပူးပေါင်းရင်းမြစ်များ

Génesis 12:5

Kuankin ka aín xanu Sarai këñun aín piaka Lot buánkëxa, 'imainun ka aín ñuina aín ñukama 'imainun aín ñumëmikë unikama Harán kakë me anuxuan bikë akama buánkëxa. Buani kuanx ka Canaán menu bëbakëxa,

Génesis 14:10

Kamabi Sidim kakë me sapan anu ka chua me pëan pëánkikë anubia unia 'iakëxa, usa 'ain ka Sodoma 'imainun Gomorranu 'ikë 'apu 'akanankënuax 'iakëti kuaníbi anu nanëakëxa. Usai 'imainun ka raíri 'apukamax ninu abákëxa.

Génesis 14:11

Usa 'ain ka rabë́ 'imainun rabë́ 'apun suntárukaman Sodoma 'imainun Gomorra kakë ëma rabë́, anu atsíntankëxun anu 'ikë unikaman ñu aín piti, ain ñu kupíkë aín 'arakakë ñukama këñunbi kamabi bitankëxun aín nëtënu anu 'ikë unikama këñunbi buánkëxa.

Génesis 14:20

'ianan ka Nukën 'Ibu Dios kamabi kushiñu an mi, abëmi 'akanankë unikama 'anun 'amikë ax 'upiokin rabikë 'iti 'ikën. Usakian Melquisedecnën kakëxun ka Abramnën an bibiankin buánkë ñukama raíri 'inánkëxa.

Génesis 14:22

Usokin kakëxunbi ka Abramnën ësokin kakëxa: —'Ën kana ësokin kana 'anuxun 'ai kixun Nukën 'Ibu kushiira an naíkëñun me unio a kan,

Génesis 47:24

'aínbi kamina faraón 'apákëxa tuaia bitankëxun mapai achúshi pisha 'inánti 'ain; 'inánkëbëa rabë́ 'imainun rabë́ pisha tikikë ax ka 'apánan mitsun bëchikëkama 'imainun kamabi axa mitsubë tsókë unikamabëtan piti 'ikën.