Apocalipsis 7:10 - Nukën 'Ibu Diosan ain unikama 'inan ain bana

¹⁰ Usa 'aish ca camáxbi munuma banai quiaxa: Anu 'Apuira tsóti, axa anu tsócë Nucën Papa Dios, an ca Carnero 'icësaribitia unin 'ucha cupí bama, a cupí nun 'uchacama tërë́nquin xënibua 'aínbi ainan 'inun nu ië́miaxa.

Kashibo-Kakataibo Biblia

¹⁰ Usa ꞌaish ca camáxbi munuma banai quiaxa: Anu ꞌApuira tsóti, axa anu tsócë Nucën Papa Dios, an ca Carnero ꞌicësaribitia unin ꞌucha cupí bama, a cupí nun ꞌuchacama tërë́nquin xënibua ꞌaínbi ainan ꞌinun nu ië́miaxa.

Apocalipsis 7:10 ပူးပေါင်းရင်းမြစ်များ

Lucas 3:6

Usoquian 'an ca ax uti 'icën. Axira ucëbëtan ca camabi unin, uisaira oquin cara Nucën Papa Diosan, unicama 'aquinquin ainan 'inun ië́miti 'icë quixun isti 'icën.

Juan 1:29

Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin 'ucha cupí carnero bamati 'aínbia ax bamacë cupí Nucën Papa Diosan camabi unin 'ucha tërë́nti a 'icën.

Juan 1:36

Abë 'icë ca Jesús cuainia isquin Juanën cacëxa: —Ca is, carnero 'icësaribiti unin 'ucha cupí bamanuan Nucën Papa Diosan xua a ca ux 'icën.

Juan 4:22

Mitsun camina ui caramina rabi quixun 'unaniman. Nun cananuna ui caranuna rabi quixun 'unanin. An uni Nucën Papa Diosnan 'inun ië́miti, ax ca judío uni 'iti 'icën. An usaia 'inun mënío, a cananuna nun rabin.

Efesios 2:8

Nuibaquin ca asérabi cuëënquin mitsúxmi Cristomi catamëti cupíshi mitsu ainan 'inun ië́miaxa. Mitsúnmi ñu upí 'acë cupíma ca Jesucristo bama cupíshi Nucën Papa Diosan ax cuëënquinshi mitsu ainan 'inun ië́miaxa.

Apocalipsis 12:10

Usaía 'icëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, 'atimaquin ñuiquin nëtë́quinma nëtë́nbi 'imë́bi Nucën Papa Dios manóncë, ax ca ënua chiquíncë 'icën. Usa 'ain ca bërí an aín cushínbi ainan 'inun uni ië́micë, Nucën Papa Dios, ainshi asérabi aín 'Apu 'ixun, aín unicama bërúanan Cristo atun 'Ibu 'inun 'imiaxa.

Apocalipsis 19:1

Usaquian 'an cana 'aisamaira uníxa naínuax munuma sharati banaia cuan, ësai qui: Nucën Papa Dios cananuna munuma banaquin rabin. Axa 'Apuira 'aish cushiira an ca uni ainan 'inun ië́miaxa quiquin ca camabi unin a rabiti 'icën.

Apocalipsis 21:5

A bana 'ën cuacëbë ca Nucën Papa Dios, axa anu 'Apuira 'aish tsócë, ax ësai quiaxa: —Camina 'unánti 'ain, cana camabi ñu ió 'inun 'atëcënin. Quianan ca ësairibi quiaxa: —'Ëx quicësabi oi ca asérabi 'iti 'icën. Usa 'ain camina 'ëx quicë banacama ënë cuënëoti 'ain.

Apocalipsis 22:3

Usa 'ain ca Nucën Papa Diosan uisoquin cara 'ati 'icë usoquin 'ati ñu anu 'aíma 'iti 'icën. Anu ca Nucën Papa Dios 'imainun Carnero 'icësaribitia unin 'ucha cupí bama, ax 'Apu 'iti 'icën. Usa 'icë ca anuxun aín unicaman a rabiti 'icën.

Apocalipsis 4:6

Anua Nucën Papa Dios 'icë a bëmánon ca parúnpapa upí, bëxnan bëxnánquicë iscësa 'aíshbi 'unpáxma 'iaxa. Anua Nucën Papa Dios 'icë a nëbë́tsi 'ianan a nëbë́tsioracë ca 'itsaira bëruñu rabë́ 'imainun rabë́ ñu, axa bamatimoi tsócë, axribi 'iaxa. Aín bëmánon 'itsaira bëruñu 'ianan ca aín caxumiribi a ñu 'itsaira bëruñu 'iaxa.

Apocalipsis 5:7

Anu cuanquin ca Carnero 'icësaribitia unin 'ucha cupí bama, an axa tsócë Nucën Papa Dios aín mëcën mëqueua 'icë quirica a biaxa.