1 Corintios 4:3 - Nukën 'Ibu Diosan ain unikama 'inan ain bana

³ Usa 'aínbi cana 'ën mitsúxmi 'ë ñui 'ëmi manáncë bana 'imainun an uni ñui uni itsimi manáncëxun cuacë 'apucaman 'ë 'uchocë bana, abi taniman. Uisa uni carana 'ëx 'ai quixun cana 'ënbi sinaniman, Nucën 'Ibu Jesucristonën cuni ca 'unania.

Kashibo-Kakataibo Biblia

³ Usa ꞌaínbi cana ꞌën mitsúxmi ꞌë ñui ꞌëmi manáncë bana ꞌimainun an uni ñui uni itsimi manáncëxun cuacë ꞌapucaman ꞌë ꞌuchocë bana, abi taniman. Uisa uni carana ꞌëx ꞌai quixun cana ꞌënbi sinaniman, Nucën ꞌIbu Jesucristonën cuni ca ꞌunania.

1 Corintios 4:3 ပူးပေါင်းရင်းမြစ်များ

Juan 7:24

Bëtsi unían ñu 'aia isi camina bënëtishi —an ca ñu 'atima 'aia —quiax quitima 'ain. Usai 'iquinma camina munu upí oquin sinánquin 'unánti 'ain, usoquin 'ati cara asábi 'icë, cara asábima 'icë quixun.

1 Corintios 2:15

Usa 'ain ca Nucën Papa Diosan Bëru Ñunshin Upitan sinánmicë uni an, unin 'acë ñucama 'imainun aín banacama, asérabi cara upí 'icë quixun 'unania. Usa 'aínbi ca uni itsin, a unin Nucën Papa Diosan Bëru Ñunshin Upitan sinánmicëxun 'acë ñu cara asérabi an sinánmicëxun 'acë 'icë quixun 'unanima, Nucën Papa Diosan Bëru Ñunshin Upitan sinánmicëma 'ixun.

1 Corintios 4:2

Uinu 'icë unin cara uni ñu mëëxunia an ca —upí oquin ca ñu mëëxunia —quixuan an ñu mëëmicë unin 'unánun upí oquin ñu mëëti 'icën. Usaribi ca an Nucën Papa Diosan bana ñuixuncë uni 'iti 'icën.

1 Corintios 4:4

'Ën ñu 'atima 'acë 'ën chiquinacëma ca 'aíma 'icë quixun 'ën sinaniabi ca Nucën 'Ibu Jesucristonën cuni carana asérabi ñu 'aisama 'acëma 'ai quixun 'unania.