Santiago 2:13 - El Nuevo Testamento

¹³ Dios hende ay tene lastima al jusgar le con el gente quien nuay tene lastima con otro gente. Pero el gente quien tiene lastima nuay necesidad de tener miedo al jusgar Dios con ele.

Santiago 2:13 ပူးပေါင်းရင်းမြစ်များ

Mateo 5:7

Bendicido el maga gente quien tiene lastima con otros, cay Dios ay tene tamen lastima canila.

Mateo 6:15

Pero si hende ustedes ta perdona con el maga culpa del maga otro gente, Dios tamen hende ay perdona el di ustedes maga culpa.

Lucas 16:25

Pero ya habla si Abraham con ele, ‘Hijo, acorda tu el tiempo durante tu vida na mundo, buena vida gayot ya pasa tu y todo el maga cosas bueno ya recibi tu, pero si Lazaro ya recibi cosas malo. Entonces ahora taqui ya le junto conmigo y bien confortao gayot ele, y tu ta sufri alli.

Lucas 6:37

“No jusga con otros y Dios hende ay jusga con ustedes. No pone culpa con otros y Dios hende ay pone culpa con ustedes.

Santiago 3:17

Pero el cosa mas importante acerca del sabiduria que ta sale na cielo amo que limpio ese y nuay mancha. Ademas pa ese sabiduria tiene paz, amable ese, y pronto tene amistad, tiene tamen lastima y ta hace maga accion bueno para ayuda con el maga gente, hende ta desprecia y hende ta pretende.

Santiago 5:4

Oi conmigo! Nuay ustedes paga el sueldo del maga gente quien ya trabaja el di ustedes maga sementera, y el maga reclamo de aquellos quien ya recoji ya el di ustedes maga cosecha ya alcanza ya na oido de Dios, el Señor todo poderoso.