Roma 4:21 - El Nuevo Testamento

²¹ Si Abraham asegurao gayot que Dios ay puede cumpli el di suyo promesa,

Roma 4:21 ပူးပေါင်းရင်းမြစ်များ

Mateo 19:26

Pero si Jesus ya mira canila y ya habla, “El maga cosas imposible para hace el maga gente, posible para con Dios, cay Dios puede hace todo las cosas.”

Lucas 1:1

Mi amigo Teofilo: Mucho gente ya precura ya escribi un entero historia del maga cosas ya pasa na di aton lugar cuando taqui ya si Jesucristo na mundo.

Lucas 1:37

Nuay alguna cosa que Dios hende ay puede hace.”

Lucas 1:45

Bendicido gayot tu, cay ya cree tu que Dios ay cumpli el cosa le ya promete contigo!”

Roma 14:4

Sabe kita que nuay gente tiene el derecho para critica con el ayudante del otro gente, cay el amo de ese ayudante amo el quien ay decidi si ay aproba ba con ele o hende. Y el ayudante ay sale gayot bueno cay el di suyo amo (quiere decir el Señor) ay puede ayuda con ele para hace le cosas bueno.

Roma 14:5

Tiene gente quien hende pa fuerte el fe ta pensa que tal dia mas importante que con otro maga dias, pero el otro gente ta pensa todo el maga dias igual lang na vista de Dios. Poreso cada uno necesita queda convencido na di suyo mismo pensamiento si el cosa le ta hace amo ya gayot el bueno para con ele mismo.

Roma 8:38

Tiene gayot yo confianza con ele que masquin ta vivi pa kita o ay muri, nuay nada ay puede hace separa canaton na amor de Dios - ni angeles, ni maga demonio, ni maga suceso ta pasa ahora o masquin ay pasa pa na tiempo que de vene,

2 Corinto 9:8

Dios puede siempre tapa todo el di ustedes maga necesidad con abundancia, y con el sobra puede tamen ustedes usa para na otro buen trabajo.

2 Timoteo 1:12

y poreso ahora ta sufri yo este maga cosas. Pero hende yo ta perde el di mio confianza, cay ta confia yo con Jesucristo, y asegurao gayot yo que puede le defende enbuenamente todo el que ya pone ya yo na su mano, masquin hasta al llegar el dia ay jusga le.

Hebreo 11:13

Todo aquellos ta continua tene fe hasta el dia del di ila muerte, y nuay pa sila recibi el cosa Dios ya promete canila. Pero por medio del di ila fe, bien alegre sila cay dol ta puede ya sila mira con ese maga cosas masquin ay tarda pa gayot esos llega. Y ta admiti sila que sila maga estrangero y como maga visita lang gale aqui na mundo.

Hebreo 11:19

Si Abraham tiene confianza que si ay muri man si Isaac, Dios ay puede hace resucita con ese. Y deverasan gayot si Abraham ya recibi otra vez con Isaac, como si fuera ya resucita le del muerte.