Roma 2:24 - El Nuevo Testamento

²⁴ Sabe kita este que ta habla na Sagrada Escritura de Dios: “Por causa di ustedes, el maga hende-Judio hende ta respeta con el nombre de Dios.”

Roma 2:24 ပူးပေါင်းရင်းမြစ်များ

Mateo 18:7

Maca lastima con el maga gente de este mundo, por causa del maga tentacion que ta llega canila. Sin duda tiene gayot maga tentacion ta causa con el maga gente para peca, pero tiene gayot grande castigo que ay pasa con el gente quien ta tenta con otros para peca.

1 Timoteo 5:14

Poreso quiere yo que el maga viuda joven ay casa y tene maga anak, y ay maneja sila el di ila maga familia, para no dale oportunidad con el maga enemigo malhabla acerca di aton.

1 Timoteo 6:1

Todo el maga creyente esclavo necesita trata con respeto con el di ila maga amo, para no puede ningunos malhabla acerca de Dios y del di aton enseñanza.

Tito 2:5

y para ay usa tamen el di ila maga sentido comun para queda controlao, para tene buen moralidad, para trabaja enbuenamente na casa, cuida enbuenamente con el di ila familia, y obedece con el di ila marido. Todo ese debe sila hace para hende dale oportunidad con otros malhabla acerca del mensaje de Dios.

Tito 2:8

Usa tu maga palabra agradable que ta vene acorde con el verdadero enseñanza, para nuay ningunos quien puede critica contigo. Entonces ay tene huya el di tuyo maga enemigo, cay no puede sila habla contra canaton.

2 Pedro 2:2

Y mucho gente ay sigui tamen el costumbre de porquerias de ese maga maestro falso, y ese di ila costumbre malo ay lleva insulto y deshonra con el verdadero enseñanza acerca di Jesucristo.