Roma 14:7 - El Nuevo Testamento

⁷ Nuay ni uno di aton quien ta tene fe con Jesucristo ta vivi o ta muri para dale honor canaton lang mismo,

Roma 14:7 ပူးပေါင်းရင်းမြစ်များ

Roma 14:9

Poreso el Cristo ya muri y ya resucita para controla con el maga gente quien ta vivi pa y con esos tamen quien ya muri ya.

Roma 8:38

Tiene gayot yo confianza con ele que masquin ta vivi pa kita o ay muri, nuay nada ay puede hace separa canaton na amor de Dios - ni angeles, ni maga demonio, ni maga suceso ta pasa ahora o masquin ay pasa pa na tiempo que de vene,

2 Corinto 5:15

Ya muri le para con todo el maga gente. Poreso sila maga creyente di Jesucristo hende na ay vivi para complace canila mismo lang, sino ay vivi para complace con Jesucristo quien ya muri y quien tamen ya resucita para canila.

1 Tesalonica 5:10

Ele ya muri por amor di aton, para si vivo ba kita o muerto, ay queda kita siempre junto con ele.

Tito 2:14

Si Jesucristo ya otorga entrega con ele mismo para muri, para rescata canaton maga gente, y para libra canaton de todo maldad, y para puede hace canaton maga buen gente quien ta queda di suyo lang gayot, y quien quiere quiere gayot hace maga cosas bueno.

1 Pedro 4:2

para vivi el resto del di suyo vida asegun el querer de Dios. Y no mas quiere le el maga cosas malo que el maga gente lang ta desea.