Roma 10:16 - El Nuevo Testamento

¹⁶ Pero hende gayot todo el maga gente ta accepta el Buen Noticia na di ila corazon, cay antes pa si Isaias mismo ya habla tamen: “Señor, quien man ya cree canamon cuando ya predica came el mensaje canila?”

Roma 10:16 ပူးပေါင်းရင်းမြစ်များ

Mateo 13:14

Este maga gente amo el quien ta cumpli el cosa ya habla el profeta Isaias de antes, ‘Ustedes ay oi que oi gale pero nunca ay entende, y ay mira que mira pero nunca ay sabe el verdad.

Juan 10:26

Pero hende ustedes ta cree siempre cay hende ustedes como si fuera el di mio maga carnero.

Maga Apostoles 28:24

Tiene di ila ya queda convencido por medio del cosa le ya habla, pero tiene maga otros nuay cree.

Roma 1:5

Por medio di Jesucristo y por amor del di suyo nombre, Dios ya dale conmigo el di suyo gran favor y el privilegio para queda un apostol. Y ahora ta manda le conmigo predica con el maga gente de todo el maga nacion para ay obedece sila con Jesucristo por causa del di ila fe con ele.

Roma 11:17

Compara kita con el maga Judio con el maga rama de un pono de olivo bien cultivao, y con el maga hende-Judio compara kita con el maga rama de un pono de olivo que ta crici lang sin sembrar. Tiene de esos maga rama de aquel pono bien cultivao ya quebra ya, entonces ya saca el maga rama de un pono que ta crici sin sembrar para hace bading alla na parte donde el maga rama quebrao, y el rama bading ta aprovecha el gordura que ta sale na reis de ese pono bien cultivao.

Roma 16:26

Pero ahora lang ya queda aclarao si cosa el maga profeta de antes ya escribi acerca de este secreto. Y Dios eterno ya manda hace aclara el verdad con el maga nacion para puede sila tene fe y obedece tamen con ele.

Roma 2:8

Pero si para con el maga gente quien duro cabeza y no quiere obedece el verdad acerca de Dios y ta continua hace maga cosas malo, Dios ay rabia canila.

Roma 3:3

Ahora si por ejemplo mucho di ila nuay cree con ele, ta pensa ba ustedes ese el rason Dios ay olvida ya cumpli el di suyo maga promesa?

Roma 6:17

Antes pa gayot ustedes maga esclavo ya del pecado, pero ahora ta dale yo gracias con Dios cay ya recibi ya gayot ustedes el verdadero enseñanza, y ta obedece ya tamen ustedes con ese con todo el corazon.

Galacia 3:1

Cosa ya! Ustedes maga gente de Galatia! No sabe nada gayot ustedes! Quien ba ya lleva con ustedes estrabia del camino recto para hende ustedes obedece el verdad? Bien predicao ya man gayot na presencia di ustedes el mensaje acerca del muerte di Jesucristo.

Galacia 5:7

Ya adelanta ya ustedes na fe! Pero quien man ya sangga con ustedes para hende na ustedes sigui obedece con el verdad?

2 Tesalonica 1:8

entre na claridad del fuego. Y ay castiga le canila quien hende ta conoce con Dios y quien hende ta obedece el Buen Noticia acerca del di aton Señor Jesucristo.

Hebreo 11:8

El fe que ya tene si Abraham ya manda con ele obedece cuando Dios ya llama con ele para anda na otro lugar. Aquel lugar Dios ya prepara ya como herencia para con ele pati para con el di suyo maga decendiente. Ya anda le sin saber si donde le ta anda.

Hebreo 4:2

Kita tamen ya oi el Buen Noticia acerca di Jesucristo como sila ya oi antes pa. Ya oi gayot sila el mensaje pero nuay sila tene nada de provecho, cay cuando ya oi sila con ese nuay sila tene fe.

Hebreo 5:9

Y por causa del di suyo obediencia, Dios ya puede hace con ele preparao completamente para queda le el persona con quien ta sale el salvacion eterna, y para todo el maga gente quien ta obedece con ele ay puede tene ese salvacion.

1 Pedro 1:22

Ahora, ya deja ya ustedes con el maga mal trabajo de pecado y tiene ya ustedes amor sincero para con el maga otro creyente, cay ya obedece ya ustedes el mensaje del verdad. Continua ustedes ama el uno con el otro con todo sinceridad y con todo corazon.

1 Pedro 2:8

Y tiene pa otro cosa ta habla na Sagrada Escritura acerca de aquellos quien nuay accepta. Ta habla, “Por causa de ese piedra ay man tisut el maga gente, y ay hace gayot ese tumba canila.” Y ay queda sila tumbao cay nuay sila cree con el mensaje de Dios, y el querer de Dios para canila quien ta desobedece con ele amo el castigo.

1 Pedro 3:1

Na, bira kita otra vez acerca del di aton obediencia. Ustedes maga mujer creyente, obedece con el di ustedes maga marido para queda sila creyente tamen si hende pa sila. Puede sila queda convencido para obedece el mensaje del Buen Noticia por medio del di ustedes buen costumbre, masquin sin hablar acerca de ese mensaje,