Roma 10:10 - El Nuevo Testamento

¹⁰ Cay Dios ay considera lang canaton como si fuera nuay kita pecado si tiene kita fe na di aton corazon, y Dios ay salva canaton si ta habla kita con otros que tiene kita fe con Jesucristo.

Roma 10:10 ပူးပေါင်းရင်းမြစ်များ

Marcos 9:23

Y ya habla si Jesus con ele, “Porque man ta habla uste, si puede yo? Si el gente ta cree con Dios, todo′l cosas puede le hace.”

Lucas 8:15

Pero aquel maga similla que ya cae na buen tierra ta representa el maga gente quien tiene buen corazon, cay apenas sila ya oi el maga palabra de Dios, ta obedece gayot y con paciencia ta tene buen resulta na di ila maga vida.

Maga Apostoles 8:37

Ya habla si Felipe con el oficial, “Puede, si ta cree uste con todo el corazon.” Ya contesta le, “Ta cree gayot yo que si Jesucristo amo el hijo de Dios.”

Roma 10:11

Antes pa si Isaias ya escribi este maga palabra: “Si quien ay tene fe con ele, hende ay sale desconsolao.”

Roma 10:9

Si ta declara ustedes con el maga gente que si Jesucristo amo el Señor, y na di ustedes corazon ta cree que Dios ya hace con ele levanta na lugar del maga muerto, entonces Dios ay salva con ustedes.

Galacia 2:16

Pero sabe came que ningun gente ay puede queda justo na vista de Dios por medio de siguir lang el ley di Moises, sino por medio de fe con Jesucristo. Y por causa el di amon fe con Jesucristo, Dios ta considera canaton como si fuera nuay kita pecado, y hende por medio de siguir el cosa ta manda el ley. Cay nuay gente ta puede queda justo na vista de Dios por medio de obedecer el ley di Moises.

Filipos 3:9

y ay queda yo unido con ele. Henda na yo ay precura tene perfeccion del di mio fuerza lang por medio de obedecer el ley di Moises, sino Dios ta considera conmigo como si fuera nuay yo pecado por medio lang del fe con Jesucristo. Ese perfeccion ta sale con Dios, y ta depende lang na fe.

Hebreo 10:22

Poreso atraca kita con Dios con sincero corazon lleno de fe con ele, cay tiene kita el maga corazon bien limpio por medio del sangre que ya derrama si Jesucristo para hende kita ay tene maga conciencia culpable. Y como si fuera ya lava ya el di aton maga cuerpo na agua limpio.

Hebreo 3:12

Entonces maga hermano creyente, por causa del di ustedes mal pensamiento y desobediencia, tene cuidao para nuay ni uno di ustedes ay pone de detras con Dios, quien hende nunca ay muri.

1 Juan 4:15

Si quien ta admiti que si Jesucristo amo el Hijo de Dios, entonces el Dios ta vivi na su corazon y ele tamen ta vivi unido con Dios.

El Revelacion 2:13

Sabe yo que ustedes ta queda na lugar donde si Satanas tiene poder, pero ustedes siempre fiel. Y nuay ustedes nega que tiene pa ustedes fe conmigo masquin cuando ya mata ya sila con Antipas, el di mio fiel testigo, alli na lugar donde ta domina si Satanas.