Mateo 27:29 - El Nuevo Testamento

²⁹ Y ya hace sila corona de tunuk y ya pone na su cabeza, y ya manda sila con ele agarra palito como un baston que ta agarra el rey. Despues ya hinca sila adelante di suyo, y ya ganguia con ele hablando, “Viva! El Rey del maga Judio!”

Mateo 27:29 ပူးပေါင်းရင်းမြစ်များ

Mateo 20:19

Ay entrega sila con ele na mano del maga hende-Judio, y ay ganguia y ay latiga sila con ele. Despues de ese ay crucifica con ele, pero al llegar el tercer dia del di suyo muerte, ay resucita gayot le.”

Mateo 26:49

Despues ya atraca si Judas dayun con Jesus, y ya habla le, “Maestro, que tal man uste?”

Mateo 27:37

Y ya escribi sila na un caratula el cosa sila ya acusa con ele, y ya clavetia sila ese na cruz encima del di suyo cabeza, que ta habla ese, “Este amo si Jesus, el Rey del maga Judio.”

Marcos 15:17

Despues ya dale sila visti con Jesus ropa bien colorao como el rey, y ya hace sila corona de tunuk y ya pone na su cabeza.

Marcos 15:18

Despues ya ganguia sila con Jesus, y ya habla, “Viva, el Rey del maga Judio!”