Mateo 20:23 - El Nuevo Testamento

²³ Ya habla le canila, “Deveras ay toma gayot ustedes el laman del di mio copa de sufrimiento, pero nuay yo el derecho para manda senta con ustedes na di mio lao derecha y isquierda, cay ese lugar ya prepara ya el di mio Padre para con quien ele ay manda senta.”

Mateo 20:23 ပူးပေါင်းရင်းမြစ်များ

Mateo 13:11

Ya contesta le canila, “Dios ya manda sabe con ustedes el maga secreto acerca del di suyo Reino, pero con el maga otro gente, nuay ele manda sabe.

Mateo 20:24

Cuando ya oi el otro dies dicipulo el cosa ya pidi el nana del dos hermano, ya queda sila rabiao con ese dos anak di Zebedeo.

Mateo 25:34

Ansina tamen el Rey ay habla con el maga gente na su lao derecha, ‘Ustedes, con quien ya bendici el di mio Padre Celestial, vene para queda miembro del di mio Reino preparao para di ustedes desde el principio del mundo.

Marcos 10:40

Pero nuay yo el derecho para manda senta con ustedes na di mio lao derecha y isquierda, cay ese lugar ya prepara ya el di mio Padre para con quien ele ay manda senta.”

Maga Apostoles 12:2

Despues ya ordena le mata con espada con Santiago, el hermano di Juan.

Roma 8:17

Si maga anak ya kita de Dios, deporsi maga heredero kita di suyo. Y ay hereda kita junto con Jesucristo todo el maga bendicion de Dios si ay otorga kita sufri como ya sufri si Jesucristo, y ay tene tamen kita parte na di suyo honor y gloria.

1 Corinto 2:9

Ya habla ya man na Sagrada Escritura acerca de ese plano secreto de Dios: “El maga cosas que nuay ningunos ya mira ni oi, ni ya llega pensa ni ya imagina, amo gayot el maga cosas que Dios ya prepara para bendici con aquellos quien ta ama con ele.”

2 Corinto 1:7

Tiene gayot came confianza con ustedes, que puede ustedes aguanta sufrimiento. Cay sabe came que conforme ustedes ta sufri igual canamon, ansina tamen tiene ustedes el consuelo igual canamon que ta sale con Dios.

Colosas 1:24

Ahora, alegre yo na mi sufrimiento para el provecho di ustedes. Y por medio del sufrimiento del di mio cuerpo ta ayuda yo hace completo el maga sufrimiento di Jesucristo por causa del di suyo maga creyente aqui na mundo, y este maga creyente amo dol el cuerpo di Jesucristo.

Hebreo 11:16

Pero este el verdad, que sila quiere gayot anda na lugar mas mejor, que quiere decir un lugar celestial. Poreso Dios hende ta man huya si ta llama sila con ele, el di ila Dios, cay ele amo el quien ya prepara ya un ciudad para di ila.

El Revelacion 1:9

Yo si Juan el di ustedes hermano ta sufri junto con ustedes, cay kita maga miembro del Reino de Dios. Y yo junto con ustedes ta aguanta gayot tormento con el fuerza que si Jesucristo ta dale canaton cay unido kita con ele. Tiene quien ya manda conmigo na Isla de Patmos como el castigo cay ya predica yo el mensaje de Dios y el Buen Noticia acerca di Jesucristo.