Marcos 4:41 - El Nuevo Testamento

⁴¹ Pero bien espantao gayot sila, y ta man preguntajan, “Quien man gaja este gente, cay masquin el viento y el marijada ta obedece con ele!”

Marcos 4:41 ပူးပေါင်းရင်းမြစ်များ

Mateo 14:32

Despues ya entra sila dos na vinta, y apenas sila ya entra, ya perde lang el viento.

Mateo 8:27

Ya queda el maga dicipulo bien estrañao, y ya man hablajan con uno y otro, “Cosa clase de gente este? Ta puede man gayot le manda con el viento y con el marijada obedece con ele!”

Marcos 4:40

Ya habla le canila, “Porque man ustedes ta tene miedo? Nuay ba ustedes fe con Dios?”

Marcos 5:1

Despues ya llega ya canda Jesus na Gerasenes, na otro lao del Mar de Galilea.

Marcos 5:33

Y cuando ya realiza el mujer el cosa ya sucede con ele, ya atraca le con Jesus y ta tembla gayot y ya hinca le na di suyo presencia, y ya habla el verdad.

Marcos 7:37

Y todo el maga gente ya queda bien estrañao, y ta habla sila que bueno gayot todo el maga cosas que ta hace le. Ta habla tamen sila que masquin con el maga bungul ta puede le manda oi, y con el maga apa ta puede le manda conversa.

Lucas 4:36

Ya queda gayot bien estrañao todo el maga gente, y ya habla sila con uno y otro, “Ay! Cosa ya gayot el maga palabra di suyo! Este gente tiene poder y autoridad, cay ta dale lang ele orden con el maga demonio y ta sale gayot sila dayun.”

Lucas 8:25

Despues ya habla le con el di suyo maga dicipulo, “Cosa man? Nuay ba ustedes fe?” Pero bien tiene gayot sila miedo pati bien estrañao, y entre sila ya lang ya man cuento, “Quien man gaja este gente que ta puede manda con el viento y con el agua para queda calmao?”

Hebreo 12:28

Entonces dale kita gracias con Dios, cay ya dale le canaton un lugar donde le ta reina que no puede tembla, sino ta esta permanente. Adora kita con Dios el manera que quiere le, y sirvi kita con ele con respeto y miedo,

El Revelacion 15:4

O, Señor, nuay ningunos hende ay dale respeto Y dale honor con el di uste nombre, Cay uste solo el perfecto de todo manera. Y todo el maga nacion ay vene adora con uste, Cay todo el maga gente puede mira que el di uste maga decision justo gayot.”