Marcos 4:36 - El Nuevo Testamento

³⁶ Despues el maga dicipulo ya deja con el manada de gente, y ya embarca sila na vinta donde sentao ya si Jesus, y ya lleva sila con ele junto canila. Y el maga otro baroto ta sigui tamen canila.

Marcos 4:36 ပူးပေါင်းရင်းမြစ်များ

Mateo 8:23

Cuando ya embarca si Jesus na vinta, el di suyo maga dicipulo ya sigui tamen con ele.

Marcos 3:9

Tiene gayot mucho gente, poreso ya manda le con su maga dicipulo anda saca el vinta donde le ay senta, para hende el maga gente man dalasucan con ele.

Marcos 4:1

Si Jesus ya principia enseña otra vez na orilla del mar, y ya ajunta con ele el manada de gente. Tiene alla un vinta cerca na aplaya, entonces ya senta le na vinta y el manada de gente talla na arena.

Marcos 4:37

Despues ya llega el mal tiempo y bien fuerte viento, y nuay tarda, ta entra ya el agua na vinta por causa del grande grande marijada.

Marcos 5:2

Cuando ya abaja ya si Jesus na vinta, el gente controlao del demonio ya sale na maga cueva na pader donde ta enterra muerto, y ya hace le encuentro con Jesus.

Marcos 5:21

Cuando si Jesus ya bira ole para na otro lao del mar, bien mucho gente ya atraca con ele alla na aplaya.

Marcos 6:32

Entonces ya embarca sila na vinta para anda na lugar donde nuay gente, y sila sila lang talla.

Lucas 8:22

Un dia si Jesus pati su maga dicipulo ya embarca na vinta, y ya habla le canila, “Nia, anda ya kita na otro lao del mar.” Despues ya larga ya sila.