Juan 6:17 - El Nuevo Testamento

¹⁷ Despues ya munta sila na vinta y ya principia sila crusa el mar para na direccion de Capernaum. De noche ya, pero nuay pa si Jesus man junto canila.

Juan 6:17 ပူးပေါင်းရင်းမြစ်များ

Marcos 6:45

Mientras si Jesus ta manda volve con el maga gente, ya manda tamen le embarca na vinta con el di suyo maga dicipulo, para man una ya na Betsaida, aquel pueblo na otro lao del mar.

Juan 2:12

Despues de ese suceso, ya anda si Jesus para na Capernaum, y ya sigui junto con ele el di suyo nana y el di suyo maga hermano pati el di suyo maga dicipulo, y ya esta sila alla maga cuanto dias.

Juan 4:46

Despues si Jesus pati su maga dicipulo ya bira otra vez na Cana, aquel lugar donde ya hace le con el agua para queda vino. Aquel mismo tiempo tiene un oficial na Capernaum quien ta trabaja na gobierno, y tiene le un anak hombre enfermo.

Juan 6:18

Y fuera pa del oscuridad, fuerte pa el viento, hasta el marijada ya queda gayot grande grande.

Juan 6:59

Ese el que ya habla si Jesus mientras ta enseña le na iglesia del maga Judio na Capernaum.