Juan 18:25 - El Nuevo Testamento

²⁵ Mientras ta hace pa pregunta con Jesus, si Pedro talla pa parao na patio y ta calenta pa di suyo cuerpo na fuego. Tiene de aquellos junto con ele ya pregunta, “Uste uno del maga dicipulo de aquel gente talla adentro, hende ba?” Si Pedro ya nega otra vez, y ya habla, “Hende gane!”

Juan 18:25 ပူးပေါင်းရင်းမြစ်များ

Mateo 26:69

Ahora si Pedro sentao afuera na patio, y el ayudante mujer ya atraca con ele y ya habla, “Uste tamen estaba junto con Jesus, aquel gente de Galilea.”

Marcos 14:66

Mientras talla si Pedro na patio ya llega uno del maga ayudante mujer del Padre Superior,

Lucas 22:55

Na medio del patio de aquel casa ya arde sila fuego, y el maga gente ya man tumpuk alla, y si Pedro ya senta tamen junto canila.

Lucas 22:56

Despues uno del maga ayudante mujer ya mira con Pedro sentao na claridad del fuego y ya pija gayot con ele. Despues ya habla le, “Este gente junto gayot con aquel gente que ya arresta sila!”

Lucas 22:57

Pero ya nega gayot si Pedro, y ya habla, “Ñora, no conoce yo con ele!”