Filipos 1:1 - El Nuevo Testamento

¹ Este carta ta sale con Pablo y con Timoteo, maga servidor di Jesucristo. Ta escribi came este carta para con todo el maga creyente di Jesucristo na pueblo de Filipos, y para con el di ustedes maga lider, y para con el maga ayudante del lider del iglesia alli.

Filipos 1:1 ပူးပေါင်းရင်းမြစ်များ

Marcos 13:34

Puede kita compara el Reino de Dios con el gente quien ta larga viaje. Antes de salir el gente na su casa, ya dispone le canila para hace cada y cual di ila trabajo. Y ya manda ele con el guardia na puerta esta gayot siempre alerto.

Juan 12:26

Si quien quiere sirvi conmigo necesita gayot sigui conmigo, para masquin donde yo talli tamen el di mio servidor. Y el di mio Padre Celestial ay dale honor con el quien ta sirvi conmigo.”

Maga Apostoles 1:20

Ta continua si Pedro habla, “Si David ya habla na libro de Salmo, ‘Deja su casa queda triste y no manda queda alli ni con ningunos.’ Y ya habla tamen, ‘El di suyo puesto dale con otro.’

Maga Apostoles 20:28

Ustedes mismo tene cuidao. Cuida tamen ustedes enbuenamente con todo el maga gente quien tiene fe con el Señor, con quien el Espiritu Santo ya deja na di ustedes responsabilidad. Cuida enbuenamente con el maga creyente del iglesia de Dios, cay ya queda sila el di suyo mismo por causa cay el di suyo hijo ya paga el di ila maga pecado con su mismo sangre.

Maga Apostoles 9:13

Despues ya habla si Ananias, “Señor, mucho gente ya habla conmigo acerca de ese gente y cuanto maldad gayot ya hace le con el di uste maga siguidores alla na Jerusalem.

Roma 1:1

Yo si Pablo un servidor di Jesucristo con quien Dios ya escoje y ya nombra para queda un apostol para anda predica el Buen Noticia que ta sale con Dios.

Roma 1:7

Poreso ta escribi yo con ustedes todo alli na Roma con quien Dios ta ama y con quien ya escoje le para tene fe con ele. Ojala que el di aton Dios Padre y el Señor Jesucristo ay dale con ustedes el di ila gran favor y paz.

1 Corinto 16:10

Al llegar gane si Timoteo alli con ustedes, favor mantene enbuenamente con ele. Atende con ele para sinti le que como de casa lang ele, cay ele ta trabaja tamen para con el Señor, igual como yo ta trabaja.

2 Corinto 1:1

Este carta ta sale conmigo, si Pablo, un apostol di Jesucristo por causa del querer de Dios. Ta sale tamen este con el di aton hermano na fe, si Timoteo. Came dos ta escribi este carta para con el maga creyente de Dios na pueblo de Corinto, y para con todo el maga creyente tamen na entero provincia de Grecia.

Galacia 1:10

Na, si ta habla gayot yo ansina con ustedes, ta busca ba gaja yo el aprobacion del maga gente? Hende gayot! Ta busca yo el aprobacion de Dios. Ta precura ba yo complace con el maga gente? Hende gayot! Si hasta ahora ta precura pa yo complace lang con el maga gente, hende era yo un obediente servidor di Jesucristo.

Galacia 3:26

Por medio del fe con Jesucristo todo ustedes maga anak ya de Dios, y tiene ustedes buen relacion tamen con Jesucristo.

Galacia 3:28

Poreso ahora nuay mas diferencia entre el maga Judio y el maga hende-Judio, entre el maga esclavo y el maga amo, entre el maga hombre y el maga mujer. Cay todo ustedes unido ya, como uno ya lang por causa del fe con Jesucristo.

Efeso 1:1

Este carta ta sale con Pablo, un apostol di Jesucristo por el querer de Dios. Ta escribi yo con ustedes maga fiel creyente de Dios y di Jesucristo alli na ciudad de Efeso.

Efeso 1:15

Poreso, desde el tiempo ya oi gane yo acerca del di ustedes fe con el Señor Jesucristo y acerca del amor di ustedes para con el maga creyente,

Efeso 6:24

Y ojala que el gran favor de Dios ay queda con todo el maga gente quien ta ama con el di aton Señor Jesucristo con amor que nunca ta cambia.

Filipos 2:19

Tiene yo el esperanza que ay puede yo manda anda con Timoteo alli con ustedes de pronto, si este el querer del Señor Jesucristo. Entonces puede le lleva conmigo el maga informacion acerca di ustedes, para dale conmigo alegria.

Filipos 2:5

El atitud di ustedes con el maga otro gente debe ser igual con el atitud di Jesucristo. Pensa enbuenamente del siguiente maga cosas que ya hace si Jesucristo:

Filipos 3:12

Hende yo ta habla que ya cumpli ya yo todo ese, ni perfecto ya yo. Sino ta pone gayot yo todo mi fuerza para alcansa con ese resureccion y perfeccion, cay si Jesucristo amo ya escoje conmigo para ay tene yo este maga cosas.

Filipos 3:3

Pero kita amo el maga verdadero creyente de Dios, y hende por causa de hacer islam con el cuerpo sino por causa del fe na di aton maga corazon. Poreso ta adora kita con Dios por medio del Espiritu Santo, y tiene kita alegria por causa lang di Jesucristo. Hende kita ta pone confianza para queda salvao na maga cosas que ta puede lang kita hace por medio del di aton mismo fuerza.

Filipos 3:8

Deveras, hende lang este maga cosas, sino todo tamen el maga cosas na di mio vida, ta considera yo ahora como nuay mas valor si ta compara lang yo con estos y con el grande ventaja que tiene yo de conocer y obedecer con Jesucristo, el di mio Señor. Todo este maga cosas ya deja ya yo por amor di Jesucristo, y para puede tene buen relacion con ele, y ahora todo este maga cosas ta considera yo como basura ya lang. Cay quiere yo que si Jesucristo lang amo ay queda el di mio riqueza,

1 Tesalonica 1:1

Este carta ta sale con Pablo, con Silvano, y con Timoteo. Ta escribi came con el maga creyente del Dios Padre y del Señor Jesucristo alli na pueblo de Tesalonica. Ojala que ay tene ustedes el gran favor y paz que el Dios Padre y el Señor Jesucristo ta dale.

1 Tesalonica 2:2

Y sabe tamen ustedes que el di aton Dios ya dale canamon animo para habla siempre el Buen Noticia con ustedes. Este Buen Noticia ya sale con Dios y ta habla came ese, masquin mucho pa maga gente ta man contra y ta maltrata y ta insulta canamon alla na Filipos, antes de andar came alli con ustedes.

2 Tesalonica 1:1

Este carta ta sale con Pablo, con Silvano, y con Timoteo. Ta escribi came con el maga creyente del Dios Padre y del Señor Jesucristo alli na pueblo de Tesalonica.

2 Tesalonica 1:10

Pero al birar ole el Señor, todo el di suyo maga gente, quiere decir aquellos quien ta tene fe y ta obedece con ele, ay dale honor y alabanza con ele. Y hasta ustedes tamen, cay ta cree y ta obedece ustedes el mensaje que ta predica came.

1 Timoteo 1:2

Ta escribi yo para contigo, Timoteo, mi verdadero hijo na fe. Ojala que el Dios Padre y si Jesucristo el di aton Señor ay dale contigo el di ila gran favor, lastima, y paz.

1 Timoteo 3:8

El maga ayudante del lider del iglesia necesita tamen tene caracter bueno y necesita usa maga palabra sincero, no debe sila man borracho, y no debe ama mucho con el cen como avariento.

Tito 1:1

Este carta ta sale con Pablo, un servidor de Dios y un apostol di Jesucristo. Dios ya escoje y ya envia conmigo para ayuda omenta el fe del maga gente escojido tamen de Dios, y para guia canila sabe el verdad. El resulta de ese verdad amo un vida de devocion con Dios,

Tito 1:7

Cay el lider del iglesia amo el encargao del trabajo de Dios, poreso ele debe gayot vivi un vida nuay culpa. No debe le domina con otros, ni queda rabiao pronto, ni man borrachon, ni man valiente, ni man avariento.

Filemon 1:1

Este carta ta sale con Pablo, un preso por amor di Jesucristo, y con Timoteo, el di aton hermano na fe. Ta escribi came para con uste, Filemon, el di amon estimao hermano na fe y uban na trabajo para con Jesucristo.

Hebreo 13:23

Quiere yo manda con ustedes sabe que si Timoteo, el di aton hermano creyente, ya sale ya na calaboso. Y si ay llega le pronto, came dos ay anda alli con ustedes.

Santiago 1:1

Este carta ta sale con Santiago, un servidor de Dios y del Señor Jesucristo. Ta saluda yo con todo el maga creyente Judio quien ya man calayat na entero mundo.

1 Pedro 2:25

Cay antes pa ustedes ya estrabia del camino, como el maga carnero sin pastor. Pero ahora, ya bira ya ustedes otra vez con el Pastor quien ta cuida con ustedes, y quien tamen el Encargao del di ustedes maga alma, y ele amo si Jesucristo el Señor.

2 Pedro 1:1

Este carta ta sale con Simon Pedro, un servidor y un apostol di Jesucristo. Ta escribi yo con ustedes quien tiene fe precioso igual canamon. Tiene kita este fe por medio del buen justicia del di aton Dios y del di aton Salvador Jesucristo.

Judas 1:1

Este carta ta sale con Judas, un servidor di Jesucristo y el hermano di Santiago. Ta escribi yo con ustedes, maga gente escojido de Dios quien ta vivi dentro del amor del Dios Padre y bajo proteccion di Jesucristo.

El Revelacion 1:1

Este el maga cosas que Dios ya revela con Jesucristo para habla le con el di suyo maga servidor y hende ay tarde este maga cosas ay sucede. Si Jesucristo ya manda sabe este maga cosas con su servidor si Juan por medio del di suyo angel.

El Revelacion 1:20

Este el significacion del siete estrellas que ya mira tu na mi mano derecha y el siete lampara de oro: el siete estrellas ta representa el siete angel (quiere decir el siete lider) del siete iglesia, y el maga lampara ta representa el siete iglesia.”

El Revelacion 19:10

Entonces ya hinca yo na su presencia para adora con ele, pero ya habla le, “No hace ansina! Yo tamen el servidor de Dios igual como contigo y con el di tuyo maga hermano quien ta sigui el verdad que si Jesucristo ya revela. Adora con Dios!” El espiritu de verdad que si Jesucristo ya habla canaton amo lang siempre el mismo espiritu que ya guia con el maga profeta.

El Revelacion 2:12

“Escribi tamen con el angel del iglesia na Pergamo y habla tu con ele: “Este amo el maga palabra di suyo quien tiene espada agudo de dos pilo. Ele amo el quien ta habla con ustedes.

El Revelacion 2:8

“Escribi tamen tu con el angel del iglesia na Smirna y habla con ele: “Este el maga palabra di suyo quien amo el principio y el fin, quien ya muri y ya vivi ole.

El Revelacion 22:9

pero ya habla le conmigo, “No hace ansina! Igual lang kita maga servidor de Dios como el di tuyo maga hermano quien el maga profeta, y todo aquellos quien ta obedece el maga palabra de este libro. Adora lang con Dios!”