Efeso 6:24 - El Nuevo Testamento

²⁴ Y ojala que el gran favor de Dios ay queda con todo el maga gente quien ta ama con el di aton Señor Jesucristo con amor que nunca ta cambia.

Efeso 6:24 ပူးပေါင်းရင်းမြစ်များ

Mateo 22:37

Ya contesta si Jesus con ele, “Necesita ustedes ama con Dios el di ustedes Señor con todo el di ustedes corazon y alma y con todo el di ustedes pensamiento.

Mateo 28:20

Y enseña tamen canila para obedece todo el maga mandamiento que ya dale yo con ustedes. No olvida que yo junto con ustedes siempre hasta para cuando.”

Mateo 6:13

Y no deja canamon cae na tentacion, y proteje canamon na poder di Satanas. Uste el Rey bien poderoso con quien ta dale came alabanza y honor hasta para cuando. Amen.’” Despues de enseñar reza si Jesus, ya continua le habla,

Roma 2:7

Dios ay dale vida eterna con aquellos quien ta sigui que sigui lang hace bueno cay quiere sila que Dios ay dale canila honor y respeto, y por causa cay quiere tamen sila queda junto con Dios na cielo.

2 Corinto 13:14

Ojala que el gran favor del Señor Jesucristo, el amor de Dios, y el amistad del Espiritu Santo ay esta siempre con ustedes.

2 Corinto 8:12

Si con todo el corazon gayot ustedes quiere dale, Dios ay accepta el cosa ustedes tiene, cay hende man ele ta pidi el cosa ustedes nuay.

2 Corinto 8:8

Hende man yo ta ordena con ustedes si cosa gayot ustedes debe dale, sino quiere yo mira el di ustedes sinceridad y amor. Cay el maga otro creyente ya dale mira el di ila sinceridad por el di ila ayuda, y puede ustedes dale prueba del mismo manera.

Efeso 6:23

Ojala que el Dios Padre y el Señor Jesucristo ay dale con todo el maga hermano na fe el paz y amor, junto con el di ila fe.

Filipos 1:1

Este carta ta sale con Pablo y con Timoteo, maga servidor di Jesucristo. Ta escribi came este carta para con todo el maga creyente di Jesucristo na pueblo de Filipos, y para con el di ustedes maga lider, y para con el maga ayudante del lider del iglesia alli.

Colosas 4:18

Yo, si Pablo, amo el quien ta escribi con mi mismo mano este maga saludos di mio. No gayot olvida que taqui ya yo na calaboso! Ojala que el gran favor de Dios ay esta con ustedes.

2 Timoteo 4:22

Ojala que el Señor ay esta siempre junto contigo. Y ojala que el gran favor del Señor talli con ustedes.

Tito 2:7

Y debe gayot el di tuyo mismo persona dale siempre canila ejemplo de todo clase de buen accion. Y por medio del di tuyo enseñanza dale canila mira que bien sincero tu, y bien serio tamen.

Tito 3:15

Todo quien taqui junto conmigo ta envia el di ila maga recuerdos contigo. Saluda tamen alli con el di aton maga amigo na fe quien ta ama canaton. Ojala que ustedes alli ay tene el gran favor de Dios.

Hebreo 13:25

Ojala que el gran favor de Dios ay esta con ustedes todo.