Efeso 5:7 - El Nuevo Testamento

⁷ Poreso gane no ledia canila para no hace el maga pecado di ila.

Efeso 5:7 ပူးပေါင်းရင်းမြစ်များ

2 Corinto 6:14

No tene coneccion con el maga hende-creyente. El maga creyente quien ta ama con Dios, ta hace ba sila el mal trabajo igual con aquellos quien ta hace malo? Paquemodo man el claridad puede vivi junto con el oscuridad?

Efeso 3:6

Y este amo el secreto: el maga gente hende-Judio quien tiene union con Jesucristo por medio del di ila obedencia con el Buen Noticia, ay queda igual heredero del maga bendicion de Dios, junto con el maga Judio. Sila tamen ta queda parte del mismo cuerpo di Jesucristo igual con el maga Judio, y igual tamen sila ta recibi el promesa de bendicion que Dios ta dale canila.

Efeso 5:11

No tene parte na maga trabajo malo que ta hace el maga gente quien ta vivi pa na oscuridad, cay ese maga trabajo nuay buen resulta, sino malo. En vez de siguir ese, demostra siempre el cosa bueno na di ustedes vida, y ansina ay dale mira que no vale nada el di ila maga mal costumbre.

1 Timoteo 5:22

Pensa anay tu enbuenamente antes de poner el di tuyo mano con algunos para dedica con ele na trabajo para con Dios, para hende tu ay participa na di suyo maga pecado. Sino vivi tu siempre un vida limpio y lejos na maldad.

El Revelacion 18:4

Despues ya oi yo otro voz que ta sale na cielo, ta habla, “Sale na junto di suyo, mi maga siguidores, Para hende ustedes ay toma parte na di suyo maga pecado, ni sufri junto con ele na di suyo maga calamidad.