Efeso 5:29 - El Nuevo Testamento

²⁹ Nuay gente ta odia con el di suyo mismo cuerpo, sino ta dale comida y ta cuida con ese, igual como si Jesucristo ta hace para con el maga creyente,

Efeso 5:29 ပူးပေါင်းရင်းမြစ်များ

Mateo 23:37

“O, maga gente de Jerusalem, ustedes pirmi ta mata y ta guerria piedra con el maga profeta con quien Dios ta manda alli. Muchas veces quiere gayot yo ajunta con ustedes para conmigo, como un gallina si ta recoje con su maga pollito abajo del di suyo alas, pero ustedes no quiere gayot que hace yo ese.

Mateo 6:26

Mira lang ustedes con el maga pajaro que ta bula y bula, hende gane esos ta sembra y hende man ta cosecha ni recoje masquin cosa para pone na bodega, pero esos hende man ta pasa hambre cay el di ustedes Padre Celestial ta dale siempre come con esos. Mas precioso pa ustedes que con esos maga pajaro, hende ba?

Roma 1:31

Tiene di ila ta hace locuras y tiene no puede gayot cumpli el di ila maga promesas pati tiene nuay lastima, y ta maltrata con otros cay bien cruel gayot sila.

Efeso 5:28

Ansina tamen el maga marido debe ama con el di ila maga mujer como ta ama sila con el di ila mismo cuerpo. El marido quien ta ama con su mujer, ta ama tamen le con ele mismo.

Efeso 5:30

cay kita maga creyente amo el maga parte del di suyo cuerpo.

Efeso 5:31

Ta habla na Sagrada Escritura de Dios, “Por causa de ese, el gente ay deja con su tata y nana y ay man junto con su mujer, y sila dos ay queda como si fuera un persona.”