Efeso 5:19 - El Nuevo Testamento

¹⁹ Y conversa ustedes con uno y otro con maga palabra de alabanza y honor para con Dios, ese maga palabra que ya aprende ustedes na Sagrada Escritura de Dios. Canta el maga cancion que ta dale honor con el Señor, y tene sentido de alabanza y alegria na di ustedes maga corazon.

Efeso 5:19 ပူးပေါင်းရင်းမြစ်များ

Mateo 15:8

‘Este maga gente ta honra conmigo na di ila maga boca lang, y hende con todo el di ila maga corazon.

Mateo 26:30

Cuando si Jesus ya acaba conversa, ya canta sila un maga cancion de alabanza con Dios, y despues ya anda sila para na Monte de Olivo.

Maga Apostoles 16:25

Tiene como maga media noche si Pablo y si Silas ta reza y ta canta alabanza con Dios, y el los demas ta oi tamen canila.

1 Corinto 14:15

Entonces cosa man gaja yo puede hace? Ay hace yo dos cosas dayun: ay reza yo primero con lenguaje desconocido, despues ay reza tamen yo con lenguaje que el maga otro gente ta puede entende. Y si ay canta yo con lenguaje desconocido, despues ay canta tamen yo con lenguaje entendido.

1 Corinto 14:26

Ahora, maga hermano, cosa pa man ay habla yo acerca de este maga enseñanza di mio? Este lang ay habla yo: al ajuntar ustedes na iglesia para adora con Dios, tiene miembro ay canta cancion para con Dios, otro ay enseña, otro pa ay habla el mensaje de Dios, y otro ay habla con lenguaje desconocido y despues tiene otro pa quien ay interpreta. Y ustedes debe hace todo esos para el bien del maga creyente.

Colosas 3:16

Siempre pone atencion y acorda con el buen mensaje di Jesucristo. Enseña y adverti con uno y otro con todo saber. Canta tamen el maga cancion de alabanza con Dios, y maga cancion que ta dale honor con Dios, y tene sentido de gracias na di ustedes maga corazon.

Santiago 5:13

Tiene ba uno di ustedes ta sufri? Si tiene, necesita le reza. Tiene ba uno di ustedes alegre? Si tiene, bueno si ta canta le alabanza con Dios.

El Revelacion 5:9

Y ta canta sila un cancion nuevo, como este: “Uste lang ta merece para saca el libro na forma de rollo y rompe el maga sello para abri con ese libro. Cay uste amo con quien ya mata el maga gente, y por medio del di uste sangre que ya derrama uste na cruz, ya rescata uste con todo el maga gente quien ya sale de diferente raza, lenguaje, y nacion para queda sila el maga gente de Dios.