Efeso 5:16 - El Nuevo Testamento

¹⁶ Usa ustedes enbuenamente el maga oportunidad para hace bueno, cay este tiempo mucho maga otro gente ta hace malo en vez el bueno.

Efeso 5:16 ပူးပေါင်းရင်းမြစ်များ

Mateo 25:17

Ansina tamen el quien tiene dos mil pesos, ya hace tamen le ganancia de dos mil.

Juan 12:35

Ya contesta si Jesus canila, “Ya habla ya man yo con ustedes que yo amo el luz, pero este luz hende na ay tarda man junto con ustedes. Entonces mientras tiene pa luz, continua ustedes camina na claridad de este luz, para el oscuridad hende ay gana con ustedes. El quien ta camina na oscuridad no puede sabe si donde le ta anda.

Roma 13:11

Necesita ustedes hace gayot ansina cay taqui ya el tiempo bien importante; entonces necesita ustedes man alisto y no mas ustedes man plojo. Cuando ya principia kita tene fe con Jesucristo ta pensa kita que bien mucho pa gayot tiempo antes de llegar el dia que Dios ay salva canaton, pero ta acerca ya gayot ese dia.

1 Corinto 7:26

El opinion di mio amo este: mas bueno si el gente no mas cambia puesto na vida, cay durante este tiempo tiene maga dificultad.

Galacia 1:4

El Señor Jesucristo ya entrega su cuerpo para muri, para salva canaton del di aton maga pecado y del maga maldad de este mundo, cay ese gayot el querer del di aton Dios Padre.

Galacia 6:10

Poreso mientras tiene kita oportunidad, sigui lang kita hace bueno para con todo el maga gente, y especialmente para con aquellos maga hermano di aton na fe con Jesucristo.

Efeso 6:13

Poreso aprovecha ustedes todo el proteccion que Dios ta dale para puede resisti con el maga ataque del enemigo, al llegar el di suyo maldad. Y ese enemigo amo si Satanas. Aprovecha el proteccion de Dios para ay sale ustedes victorioso na batalla contra con Satanas.

Efeso 6:15

Usa el deseo di ustedes para predica el Buen Noticia que ta dale paz, para sirvi como el sapatos di ustedes, para proteje con el di ustedes pies.

Colosas 4:5

Hace ustedes siempre maga accion bueno para con el maga gente hende-creyente, y usa ustedes enbuenamente el maga oportunidad para hace bueno canila.