Efeso 2:21 - El Nuevo Testamento

²¹ Ele amo el quien ta aguanta el entero casa, y el quien ta manda con ese queda un templo sagrao para con el Señor.

Efeso 2:21 ပူးပေါင်းရင်းမြစ်များ

1 Corinto 3:9

Cay came ta trabaja junto con Dios, y ustedes dol maga sementera di suyo. Y ustedes como un casa tamen que Dios ya manda planta.

2 Corinto 6:16

Cosa man tiene que ver el templo de Dios con el maga idolo del maga hende-creyente? El cuerpo del maga creyente amo el maga templo de Dios, cay Dios mismo ya habla: “Ay queda yo junto con el di mio maga gente quien ta adora conmigo, y alli ay camina yo junto canila. Yo ay queda el di ila Dios, y sila el di mio maga gente.”

Colosas 2:19

Sila hende ta sigui fuerte na verdadero enseñanza acerca di Jesucristo, quien amo el Cabeza del maga creyente. El maga creyente dol cuerpo di suyo, y si Jesucristo el Cabeza quien ta controla canila. Bajo del di suyo mando el entero cuerpo ta sigui vivi enbuenamente, y ta esta unido el un parte con el otro, dol por medio del maga cuyuntura y maga laman, y el entero cuerpo ta engranda conforme el querer de Dios.

1 Timoteo 3:15

Pero si atrasao man mi llegada alli, ay puede ya tu sabe por medio de este carta si paquemodo kita tene buen conducta entre el maga creyente de Dios, quien amo el iglesia del verdadero Dios. Este iglesia ta guarda gayot el verdadero enseñanza de Dios.