2 Corinto 5:8 - El Nuevo Testamento

⁸ Tiene kita animo, y ta prefiri kita muri, cay ay sigui kita alla na casa del Señor na cielo.

2 Corinto 5:8 ပူးပေါင်းရင်းမြစ်များ

Mateo 25:21

Ya habla el amo con ele, ‘Un buen servidor gayot tu, y bien fiel! Ya puede yo contigo confia con ese poco cantidad, poreso ay deja yo na dituyo cargo el mas grande pa cantidad. Entra dao anay para puede tamen tu man alegria junto conmigo.’

Mateo 25:23

Y ya habla su amo con ele, ‘Tu el bien fiel servidor, cay bueno el cosa ya hace tu. Ya puede yo contigo confia con ese poco cantidad, poreso ay deja yo contigo ahora mas grande cantidad. Entra dao anay para puede tamen tu man alegria junto conmigo.’

Lucas 2:29

“Ahora, Señor, ya cumpli ya el di uste promesa, y puede ya uste manda conmigo muri contento,

Juan 12:26

Si quien quiere sirvi conmigo necesita gayot sigui conmigo, para masquin donde yo talli tamen el di mio servidor. Y el di mio Padre Celestial ay dale honor con el quien ta sirvi conmigo.”

Juan 14:3

Ay volve ya yo y despues de preparar yo el maga lugar para di ustedes, ay bira yo ole aqui y ay saca yo con ustedes para puede ustedes tamen esta junto conmigo.

Juan 17:24

“Dios Padre, este maga dicipulo con quien ya escoje uste para sigui conmigo, quiere gayot yo que sila ay llega na cielo donde yo ay anda, para ay puede sila sabe que tiene yo honor y alabanza. Y aquel honor y alabanza ya dale uste conmigo cay ya ama gayot uste conmigo, desde antes pa del creacion del mundo.

Maga Apostoles 21:13

pero ya habla le, “Porque man ustedes ta llora y ta dale lang gayot ustedes dolor conmigo? Si para conmigo, preparao ya yo para queda amarrao, y hende lang ese pero ta otorga tamen yo muri por amor del Señor Jesucristo.”

2 Corinto 5:6

Poreso siempre tene kita animo, y sabe kita que mientras ta vivi pa kita con este cuerpo aqui na mundo, hende pa kita junto con el Señor.

2 Corinto 5:9

El di aton deseo grande amo para complace gayot con el Señor, masquin kita aqui na mundo o talla con ele.

1 Juan 3:2

Mi maga estimao amigo, este mismo tiempo maga anak ya kita de Dios, pero no puede pa sabe gayot si cosa ba kita ay queda al llegar si Jesucristo otra vez. Pero asegurao ay sabe gayot kita que al birar le otra vez ay queda kita igual con ele, cay ay puede gayot kita mira enbuenamente con el di suyo ichura, y ay sabe tamen kita el di suyo verdadero naturaleza.

El Revelacion 22:3

Alla na ciudad hende mas ay encontra aquel maga cosas que Dios ya prohibi. Ay tene ya el trono de Dios y del Cordero alla na ciudad, y el maga servidor de Dios ay adora con ele.