1 Timoteo 1:2 - El Nuevo Testamento

² Ta escribi yo para contigo, Timoteo, mi verdadero hijo na fe. Ojala que el Dios Padre y si Jesucristo el di aton Señor ay dale contigo el di ila gran favor, lastima, y paz.

1 Timoteo 1:2 ပူးပေါင်းရင်းမြစ်များ

Roma 1:7

Poreso ta escribi yo con ustedes todo alli na Roma con quien Dios ta ama y con quien ya escoje le para tene fe con ele. Ojala que el di aton Dios Padre y el Señor Jesucristo ay dale con ustedes el di ila gran favor y paz.

Galacia 1:3

Ojala que Dios Padre y el di aton Señor Jesucristo ay dale con ustedes el di ila gran favor y paz.

1 Tesalonica 3:2

y ya manda yo anda con Timoteo. Ele el di aton hermano na fe y servidor de Dios, y ta predica tamen ele el Buen Noticia acerca di Jesucristo. Ya manda yo con ele visita alli con ustedes para enseña y dale animo, y para queda mas fuerte el di ustedes fe con el Señor,

1 Timoteo 1:12

Ta dale yo gracias con Jesucristo, el di aton Señor, quien ya dale conmigo fuerza para hace este trabajo. Ta dale yo gracias con ele cay ya tene le confianza conmigo cuando ya escoje le conmigo para hace yo el di suyo trabajo.

1 Timoteo 1:18

Timoteo, di mio hijo, ta dale yo este orden contigo asegun del maga palabra que el mensajero de Dios ya habla antes pa acerca di tuyo. Usa aquel maga profecia de antes para sirvi como di tuyo armas na guerra contra con el maga enseñanza falso.

1 Timoteo 6:20

Ahora, Timoteo, guarda gayot tu enbuenamente el enseñanza del mensaje de Dios que ya dale le contigo. Evita el maga discucion que no sirvi nada y el maga conversacion que no tiene que ver con Dios. El maga gente quien ta hace ansina ta pensa que sila maga gente sabiondo, pero hende gayot.

2 Timoteo 1:2

Ta escribi yo este para contigo, Timoteo, mi estimao hijo na fe. Ojala que el Dios Padre y si Jesucristo el di aton Señor ay dale contigo el di ila gran favor, lastima, y paz.

2 Timoteo 2:1

Entonces tu, mi anak, esta siempre fuerte na fe por medio del gran favor de Dios, que tiene kita por medio del di aton union con Jesucristo.

Tito 1:4

Ta escribi yo este carta para contigo, Tito, mi verdadero hijo na fe. Ese fe igual kita tiene. Ojala que el Dios Padre y si Jesucristo el di aton Salvador ay dale contigo el di ila gran favor y paz.

Tito 2:2

Con el maga viejo alli, enseña canila para controla el di ila tomada, y para hace accion que ta lleva canila respeto, y enseña tamen canila para usa el di ila sentido comun enbuenamente para queda controlao, y para queda sila fuerte na fe y na amor, y para tene tamen largo paciencia.

Tito 3:15

Todo quien taqui junto conmigo ta envia el di ila maga recuerdos contigo. Saluda tamen alli con el di aton maga amigo na fe quien ta ama canaton. Ojala que ustedes alli ay tene el gran favor de Dios.

1 Pedro 1:2

El Dios Padre ya escoje con ustedes asegun el di suyo intencion desde antes pa gayot, y el Espiritu Santo ya hace con ustedes apartao y devoto para con Dios, para hende ustedes ay hace malo. Ya escoje le con ustedes para obedece con Jesucristo, y para queda perdonao el di ustedes maga pecado cay ya muri le na cruz. Ojala que ay tene ustedes siempre el abundancia del gran favor y paz de Dios.

2 Juan 1:3

Ojala que ay recibi ustedes el gran favor y lastima y el paz que ta dale si Jesucristo el Hijo del Padre Celestial, para ay sabe kita todo el verdad y para ay experiencia tamen el amor de Dios na di aton vida.

3 Juan 1:4

Y nuay otro ta hace conmigo bien alegre como si ta oi yo que el di mio maga anak na fe ta vivi conforme el verdadero mensaje acerca di Jesucristo.

Judas 1:2

Ojala que ustedes todo ay recibi con abundancia el lastima de Dios, y el di suyo paz y amor.