1 Tesalonica 5:7 - El Nuevo Testamento

⁷ El noche amo el tiempo para durmi, y el tiempo tamen del maga gente para man borracho,

1 Tesalonica 5:7 ပူးပေါင်းရင်းမြစ်များ

Juan 2:10

y ya habla con ele, “Si tiene celebracion, el di aton costumbre ta dale una con el maga visita el vino mas sabroso, hende ba? Y si ya acaba ya sila ese buen clase de vino, ay dale ya canila el vino de menos valor. Pero uste ya guarda el vino mas sabroso para toma na ultimo ya.”

Maga Apostoles 2:15

Este maga gente hende borracho como ta pensa ustedes, cay alas nueve pa lang del dia.

Roma 13:13

Porta kita enbuenamente como si fuera pirmi kita ta vivi na claridad del dia para todo el maga gente claro mira si cosa kita ta hace. No hace maga mal costumbre, como el maga tragon y el maga borrachon, y no man peleajan pati no man celos entre uno y otro. No tamen hace cuchinadas y no comete adulterio ni comete pecado entre maga gente hende pa casao.

1 Corinto 15:34

Pensa enbuenamente para bira otra vez na di ustedes creencia el verdad acerca del resureccion, y no mas ya peca. Que maca huya para con ustedes, cay tiene di ustedes ta vivi pa con ignorancia acerca de Dios!

Efeso 5:14

Cay si el claridad ta alumbra con un cosa oscuro, entonces ay queda ese claro tamen. Ese ta significa que el claridad ay destrosa o cambia con el oscuridad. Poreso ta habla, “Desperta y levanta, cay uste dol durmido na oscuridad, y dol muerto por causa del pecado. Y si Jesucristo ay alumbra con uste con el verdad de Dios, para tene uste salvacion.”

Efeso 5:18

Y no queda borracho del vino, cay este ta guia con el gente tene un vida descarriao, sino deja con el Espiritu Santo controla el entero vida di ustedes.

2 Pedro 2:13

Dios ay recompensa canila con sufrimiento por causa del maga sufrimiento ya causa sila. Si para canila, el di ila intencion amo para satisface lang el deseo del di ila maga cuerpo. Masquin didia pa, ta comete sila imoralidad, cay nuay sila verguenza. Dol maga cosas umalin y peligroso sila, si junto sila con ustedes ta come na di ustedes celebracion sagrada na iglesia. Y mientras junto sila con ustedes, ta engaña pa sila con ustedes cay tiene pa sila el di ila maga placer malo.