1 Pedro 3:10 - El Nuevo Testamento

¹⁰ Cay ta habla na Sagrada Escritura de Dios, “Un gente quien quiere queda alegre durante este vida y quiere vivi enbuenamente, necesita no habla malo. Y necesita le no habla embusterias.

1 Pedro 3:10 ပူးပေါင်းရင်းမြစ်များ

Mateo 19:17

Ya contesta si Jesus, “Porque man tu ta pregunta conmigo acerca del cosa bueno? Uno lang quien el bueno, y si quiere tu tene vida eterna, necesita obedece el maga mandamiento de Dios.”

Marcos 8:35

Y si quien ta precura salva el di suyo mismo vida, hende le puede, pero si quien ta considera di suyo vida de nuay valor por amor di mio y por causa ta sigui le el enseñanza del Buen Noticia, ay puede le queda salvao.

Juan 1:47

Cuando si Jesus ya mira con Nataniel ta acerca ya con ele, ya habla le, “Taqui ya el Judio bien sincero, quien hende ta engaña ni con ningunos.”

Juan 12:25

Ansina tamen, si quien gayot ta ama lang di suyo mismo vida, el di suyo alma ay queda bien lejos con Dios. Pero si quien hende pirmi ta acorda ya lang por causa del di suyo vida, ele ay guarda su alma hasta para cuando.

Santiago 1:26

Si un gente ta pensa que ele bien devoto con Dios, pero no puede controla el di suyo boca, ta engaña gayot ele con ele mismo y su manera de adorar con Dios no sirve nada.

1 Pedro 2:1

Poreso deja y desaleja de todo clase de maldad, todo embusterias, todo costumbre de ta man pa bueno, todo clase de celos, y todo el maga lios.

1 Pedro 2:22

Si Jesucristo nuay gayot comete pecado, y nuay gayot ele habla ni un embusterias.

El Revelacion 14:5

Nuay ningunos quien ya oi canila ta habla mentira y nuay mas tamen sila culpa.