1 Corinto 9:4 - El Nuevo Testamento

⁴ Porque, nuay ba came el derecho para recibi comida y tomada por causa del trabajo que ta hace came?

1 Corinto 9:4 ပူးပေါင်းရင်းမြစ်များ

Mateo 10:10

Y si ay viaja, no lleva saquito para usa, ni sandalias, ni baston, y no lleva sobra ropa, cay sabe kita que un trabajador, tiene su derecho para recibi su maga necesidad.

Lucas 10:7

Si el dueño del casa ay recibi con ustedes, esta lang alli y no cambia y cambia casa, y si cosa sila ta dale, no hace desaire come y toma, cay sabe kita que un trabajador tiene derecho para recibi su pago.

Maga Apostoles 20:33

Nuay gayot yo codicia para tene plata ni oro o ropa de otros.

1 Corinto 9:3

Ustedes ya queda maga creyente, y ese amo el di mio contestacion y defensa con esos quien ta critica conmigo, y quien ta habla que hende yo apostol.

Galacia 6:6

Masquin quien gente debe dale parte del di suyo maga cosas con el maestro quien ta enseña con ele el mensaje de Dios.

1 Tesalonica 2:6

Nuay gane came precura saca honra con el maga gente, masquin con ustedes y ni con ningunos.

1 Tesalonica 2:9

Ustedes maga hermano, ta puede pa gayot acorda que bien pesao gayot el di amon trabajo. Ta trabaja came dia y noche para el di amon mantencion, para hende came molesta con ustedes mientras ta predica came con ustedes el Buen Noticia de Dios.