1 Corinto 5:12 - El Nuevo Testamento

^12-13 Despues de todo, hende man yo para entremete y jusga con el maga hende-creyente, cay Dios man el quien ay jusga canila. Pero con aquellos maga miembro del di ustedes iglesia, tiene ustedes el rason para jusga, poreso, como ta habla el maga palabra na Sagrada Escritura: “Icha afuera con el mal gente del di ustedes grupo.”

1 Corinto 5:12 ပူးပေါင်းရင်းမြစ်များ

Marcos 4:11

Y ya habla si Jesus canila, “Dios ya manda sabe con ustedes el maga secreto escondido de antes acerca del di suyo Reino, pero aquellos quien hende bajo mando de Dios ay oi lang sila por medio del maga cuento,

Lucas 12:14

Ya contesta si Jesus, “Aba, Ñor! Nuay gane quien ya dale conmigo el derecho para parti ese propiedad entre ustedes dos.”

Juan 18:36

Ya contesta si Jesus, “El di mio reino nuay origina aqui na mundo cay si ansina era, el di mio maga siguidores ay pelea para proteje conmigo de quedar arrestao y entregao na mano del maga lider Judio. Pero el di mio autoridad para reina ta sale na cielo y hende na mundo.”

Colosas 4:5

Hace ustedes siempre maga accion bueno para con el maga gente hende-creyente, y usa ustedes enbuenamente el maga oportunidad para hace bueno canila.

1 Tesalonica 4:12

para el maga gente que nuay fe con Jesucristo ay tene confianza y ay respeta con ustedes, y para hende ustedes ay molesta con el maga otro gente.

1 Timoteo 3:7

Necesita tamen ele queda un gente respetao del maga hende-creyente, para hende ele ay cae na deshonra y na poder di Satanas.