1 Corinto 16:20 - El Nuevo Testamento

²⁰ Y todo el maga hermano na fe aqui na Efeso ta envia tamen el di ila maga recuerdos alli con ustedes. Saluda ustedes con uno′y otro con cariño de hermano.

1 Corinto 16:20 ပူးပေါင်းရင်းမြစ်များ

Mateo 5:47

Y si ta saluda lang ustedes con el di ustedes maga amigo, cosa man ustedes ta hace mas bueno que con el maga otro gente? Masquin el maga gente quien no conoce con Dios ta hace ansina, hende ba?

Roma 16:16

Y por fin, saluda con uno′y otro con cariño de hermanos. Todo el maga creyente del maga iglesia di Cristo ta manda tamen el di ila recuerdos alli con ustedes.

Roma 16:21

Si Timoteo, el di mio compañero na trabajo del Señor, ta dale tamen el di suyo saludos con ustedes, y ta saluda tamen con ustedes si Lucio, si Jason, y si Sosipater, el di mio maga compoblano Judio.

Roma 16:23

Si Gayo tamen ta saluda con ustedes. Ta esta yo na su casa donde el maga creyente pirmi ta reuni. Si Erastus el tesorero del ciudad, y si Quartus el di aton hermano na fe, ta dale tamen el di ila saludos con ustedes.

Filipos 4:22

Todo el maga creyente di Jesucristo ta saluda con ustedes, especialmente aquellos na palacio del Rey Cesar.

1 Tesalonica 5:26

Saluda con todo el maga hermano na fe, con cariño de hermano.

Hebreo 13:24

Saludo con todo el di ustedes maga lider y con todo el maga gente quien tiene fe con Dios. El maga hermano creyente del lugar de Italia ta saluda tamen con ustedes.

1 Pedro 5:14

Saluda ustedes con uno y otro con cariño de hermano. Ojala que el paz ay esta con ustedes maga creyente di Jesucristo.