1 Corinto 15:26 - El Nuevo Testamento

²⁶ hasta el ultimo enemigo, que amo el muerte.

1 Corinto 15:26 ပူးပေါင်းရင်းမြစ်များ

Lucas 20:36

Hende na sila ay muri, cay dol el maga angeles ya sila. Y sila maga anak ya de Dios, cay ya resucita ya sila del muerte.

1 Corinto 15:55

Y ta habla tamen: “Muerte, donde ya el di tuyo victoria? Y donde ya man el di tuyo poder para manda tene miedo?”

2 Timoteo 1:10

Y ya hace le claro ese gran favor de Dios canaton cuando ya llega si Jesucristo el di aton Salvador. Ya destrosa ya le con el poder del muerte y ya dale canaton el vida eterna por medio del Buen Noticia.

Hebreo 2:14

Siendo el maga gente con quien ta llama le el di suyo maga anak, tiene carne y sangre, entonces si Jesucristo ya queda tamen carne humano igual canila, y ya muri le na cruz para puede destrosa con Satanas quien tiene el poder para controla con el muerte.

El Revelacion 20:13

El mar, el muerte y el lugar del maga muerto que ta llama Hades, ya libra con el maga muerto para puede sila queda jusgao. Dios ya jusga canila acorde con el di ila trabajo que ya hace sila cuando vivo pa na mundo.

El Revelacion 20:14

Despues tiene quien ya buta con el muerte y con el Hades na mar de fuego. Este mar de fuego amo ya el segundo muerte.

El Revelacion 21:4

Ay limpia le el lagrimas del di ila maga ojos, y nuay mas muerte ni tristeza, llantos ni dolor, cay todo el maga cosas de antes pasao ya.”