1 Corinto 14:11 - El Nuevo Testamento

¹¹ Pero si no puede yo entende el lenguaje del gente quien ta conversa conmigo, como si fuera came dos maga estrangero con uno y otro, hende ba?

1 Corinto 14:11 ပူးပေါင်းရင်းမြစ်များ

Maga Apostoles 28:2

El maga gente alla ya trata gayot canamon enbuenamente. Ya arde sila fuego y ya manda canamon atraca para calenta el di amon maga cuerpo, cay ta man ulan y frio gayot el tiempo.

Maga Apostoles 28:4

Cuando el maga gente de ese isla ya mira que el culebra nuay pa sapa, ya habla entre sila, “Este gente criminal gayot! Masquin ya escapa le el muerte na mar, Dios hende con ele ay permiti vivi.”

Roma 1:14

Tiene yo un obligacion con todo el maga gente na mundo que civilasao ba o hende, y si educao ba o ignorante,

1 Corinto 14:10

Aqui na mundo tiene mucho diferente lenguaje, y todo esos tiene el di ila mismo sentido.

1 Corinto 14:21

Este el maga palabra que Dios ya habla ya na Sagrada Escritura: “Ay usa yo maga gente de otro nacion y del lenguaje desconocido para habla con ese maga gente. Ay habla yo canila por medio de ese maga estrangero. Pero masquin ay hace pa yo ese, el maga gente no quiere oi conmigo.”

Colosas 3:11

Ahora na nuevo vida el gente Judio nuay mas diferencia con el hende-Judio, y el gente con quien ya hace islam igual tamen con el gente con quien nuay hace, y el gente ignorante o esclavo o un amo, todo sila igual, y si tiene sila fe con Jesucristo ese lang el cosa importante. Cay si Jesucristo el Señor ta vivi adentro del corazon de todo el di suyo maga creyente, masquin quien o masquin cosa sila, y ele lang tiene importancia.