Mateo 26:52 - Diosa' kiika; Génesis Éxodo y El Nuevo Testamento

⁵² Tsenñu Jesús tsandimi: Ñu' peeniya manbukide, matyu mun peeniyachi vingue' bain peeniyachi peyamu deeve.

Mateo 26:52 ပူးပေါင်းရင်းမြစ်များ

Apocalipsis 13:10

Mun veelachi kaya' ji' manda-inuu jumulaya, veelachi kaya' ji' manda-inu detsuve; tsenmala mun peeniyachi peyanuu jumulaya, peeniyachi peyanu detsuve. Tsa' mitya, Dioschin juu jumu chachillaya kayu challaa Diosnu daran keengue' tsaa jintsunu meneste deeve.

Génesis 9:6

Mun vee chachinu tute' bain, ya bain vee rukuchi tutanu tsuve, matyu chachiya Dios naajuñuba ya keraaya imuwaañu' mitya.

Romanos 12:19

In estennu keranguemu naatalala, naamika ñullanu firu' dekiñuba ñuitala vejmi' firu' manguen chutyudei. Tsa' mitya naa ñullanu firu' dekiñuba Diosnaa yalanu taaju ma-iwaasa tya' shuikidei, matyu Bale Ruku entsangue piike' shuikeñu' mitya: Iyaa naake taaju iwaanu ju'ba yalanu main main tsa mannu tsuyu, tive Bale Ruku.

1 Pedro 3:9

Naa ñullanu firu' dekiñuba, ñui bain tsaren firu' mantyudei; naa firu' depañuba, ñui bain tsaren firu' palaachi manbakatyudei. Tsa jutyu', Dioschi ura' isa tya' pa'dei, matyu ñulla tsanguenaa mikayamu de' mitya, tsejtaa ñui bain Dioschi ura' inu.

Apocalipsis 16:6

Matyu yalaa ñuchin juu chachillanu bain, naa ñu' mitya pamulanu bain tute' asa shajaakaamuwa deeñu' mitya, umaa ñu bain pinu asa mandire' yalanu juntsa asa demangushkaave. ¡Matyu yala' kuipave! tiwa.

1 Tesalonicenses 5:15

Ñuitala ura' deju', ma ruku firu' kiñu bain, vej mitya tsangue firu' mannu jutyudei. Tsa jutyu', naa-uwanuba veta' veta' ura' ken chu', ñuitala bain, naa veelanu bain ura' ken chudei.

Mateo 5:39

Tsaaren iyaa ñullanu tsandinu tenve: firu' dekiñu vejmi' mantyudei; tsanguityu' ne mun urandya mashpelenu kidekiñu bain, masku pasha bain kikutide.

Éxodo 21:12

Mun veranu wande' tute' bain, tsanguemu ruku tutanbera inu juve.