Lucas 6:25 - Diosa' kiika; Génesis Éxodo y El Nuevo Testamento

²⁵ Tsenmin ñulla challa tsamantsa panda ura' fin chumulaya, taaju inu detsuve, matyu bene ti fin tsaanu deju' mitya. Tsenmin ñulla challa tsamantsa sunden chumulaya, bene yuj llakindya' waren chunu detsuve.

Lucas 6:25 ပူးပေါင်းရင်းမြစ်များ

Santiago 4:9

Ñulla firu' kiiken chumu deeyu tya', veta' pensa demantu, dellakintse'tuware' pure' pensaa chutu, waadei. Tsejtu ñulla' uukaya jumaa llakinguenu juuya mandisa, tsenmala ñulla' sundenga jumaa llaki pensa juu mandisa.

Apocalipsis 3:17

Ñullaya taruku deeyu tya', tiba pure' tadeju', tichiba yamuj jutyuyu detyave; tsaaren ñullaya mijdetuve, naa tichiba balejtu, lastemaa, pure, naa kapuka bain putyu, naa jali bain tajtu ti panan tsaa deju' bain.

1 Tesalonicenses 5:3

Tsejtu chachilla: Tiba bulla jutyu, ura' dechuyu, tindetsunmalaa, wajturen tsamantsa taaju de-ikare' mijakaakenu tsuve, matyu ma shinbu nakanu ura tiyañu kitya' mijan tsa-i', nakai'mujchiya livee in jutyu jun tsaanu tsuve.

Efesios 5:4

Firuu pan jutyuu palaaya patyudei, balejtu pai'ñuba ne uraaya panu kityudei, tsenmin ne muba tsa tsandinu balejtu palaa juulaya patyudei, matyu tsandiñu urajtuve; tsa detityu', Diosnaa ti' mityaba yuj urave tidei.

Lucas 13:28

Tsenmala junaa deware' naa tejkuba pakaantsunu dejuve, matyu Abrahamnu bain, Isaacnu bain, Jacobnu bain, tsenmin kumuinchi Diosa' mitya pamu rukulanu bain Dios rei ju' chuinsha puna dekataturen, ñullaya avindala deshuwa' mitya.

Lucas 12:20

Tsenñu Dios tsandimi juntsa rukunu: Ñu tiba tejan pensangue' kityu chachi, entsa keperen peyanu tsuve. Tsenmala ñu' buli pure' wakukaashu juntsaya, ñu peyanmala ¿muchee shuwachunga? timi.

Lucas 8:53

Jesús tsandiñu veela demeetu ne uukapundila, yalaa uwain peyañuba mide' mitya.

Lucas 6:24

Tsaaren challa ñulla tarukula sunden chudenashu juntsalaya taaju inu detsuve, matyu ñullaya yumaa sunden pullandetsu' mitya.

Lucas 6:26

Tsenmin kaspee tinbunu anbutitun Diosa' mitya pamu rukuyu timulanu bain yuj urave ti' papatimuwa deeve. Tsa' mitya mu bain ñullanu tsandin dechunmalaya, ñulla anbutikayamu de' mitya, taaju inuu junu detsuve.