Lucas 23:50 - Diosa' kiika; Génesis Éxodo y El Nuevo Testamento

^50-51 Ma ruku, ura ruku ju', Dios naakesa tyañuba tsanguen chumu jumi, ya' mumu José, Arimatea pebulusha, Judea tusha chumu. Ya bain judíolaba bulu kavitu kiikemu bale ruku jumi. Entsa ruku José, Diosnu rei juu tananu malu keenamu jumi. Yaa, mantsa kavitu kemu rukula Jesúsnu tsanguedaa ti' pa' tsanguendetsuñu bain, yaa masmi' patimu juwaami.

Lucas 23:50 ပူးပေါင်းရင်းမြစ်များ

Hechos 11:24

yaa uwain ura' ruku ju', naa ya' pensa bain Espíritu Santochi tene yalluuñuu ju', tsenmin ura' keenguemu ju' mitya. Tsenñu pure' chachilla Bale Ruku Jesúsnu keranguikila.

Hechos 10:22

Tsenñu yala pakatu: Lala suutadu ama Cornelio' mityaa dejayu. Yaa Dios naakesa tyañuba tsanguen chumu ruku, tsenmin Diosnu bain aawa kure' keewaamu rukuve, tsenmin naa judío chachillachi bain estya' keran chumu rukuve. Tsenñu Dioschin juu jumu ma anjee Cornelionu tsandive: Pedronu mikajide, tsenmala ya ñu' yasha ja' naati pañuba, ñulla meedinu dejuve, tive, timi.

Hechos 10:2

Juntsa ruku mika tenbipu ruku jumi, tsenmin ya' bululaba Diosnu aawa kure' keewaawaakemu jula, naa lastemaa chumu judío chachillanu bain lushi kuwa', yalanu kemishti kemishtikemu jumi, tsenmin naa-uwanuba Diosba kuinda kiikemu jumi.

Lucas 2:25

Juntsa tinbunu Jerusalénbi ma ruku, Simeón mumu, chumuwaami. Juntsa tsamantsa aa ura ruku ju', Dios naakesa tyañuba tsanguen chumuwaami. Tsaju' mitya, Israelsha chullanu Dios mandinbu livee kesa pensa chumuwaami. Tsaaren Espíritu Santo Simeónnu chumu' mitya,

Hechos 13:29

Tsejtu Diosa' Palaanu naaju pillawaañuba tsaa de-i' puinmala, kuusanu pemu tu'puna demanbajte' tujuusha pumuwa deeve.