Lucas 2:51 - Diosa' kiika; Génesis Éxodo y El Nuevo Testamento

⁵¹ Tsandi' panduren Jesús ya' apalaba Nazaret pebulusha miimi. Tsejtu, ya' apala naadetiñuba tsanguen chumi. Tsenmala ya' amaya kumuinchi entsa pashtyu' ya' tenbukasha tengaya chumi.

Lucas 2:51 ပူးပေါင်းရင်းမြစ်များ

Lucas 2:19

Tsenmala Maríaa entsa detiñu kuinda ya' pensasha tana' naa-uwanuba tengaya chumi.

Génesis 37:11

Tsenñu ya' naatalalaya dekishtyañuren, ya' apaya, ¿naa-itaa tsai kipiñanga? tya' pensa jujuumi.

Marcos 6:3

¿Entsa María' na, kaapinderu taawasha kemu ruku jutyuu, naa Santiagochi bain, Joséchi bain, Judaschi bain, naa Simónchi bain ya' naatala jutyuu? ¿Tsenmala naa ya' tsujkila bain lala' pebulunun dechutyuu? tiitila. Tsanditu Jesúsnu jayuuba ya' kuindanu meenguityu jujuula.

1 Pedro 2:21

Tsaju' entsa deisa tyataa Diosya tsangue' ñullanu mikave, matyu Cristaa ñulla' mitya taaju ke' puimuwaave, tsenmalaa ya naa-imuwaañuba ñulla bain tsainu dejuve ke' keewaatu.

Mateo 3:15

Tsenñu Jesús tsandimi: Tsaaren Dios tsaa mutyañu' mitya, challaya tsanguenuu juve, timi. Tsandiñu Juan Jesúsnu mungaami.

Efesios 5:21

Cristonu aawa kure' keewaamu deju', ñuitala veta' veta' balenguumu judei.

Lucas 2:39

José Maríaba Bale Ruku' lei naati uudengueñuba tsa deketu, bene Galilea tusha, yala' pebulu Nazaretbi miila.

Mateo 12:46

Jesús tsandi' chachillanu kayu pantsuren, ya' ama bain, ya' naatalala bain jila, yaba kuinda kenu tyatu. Tsejtun juushaa vityu' avindala uidediñu,

Marcos 1:9

Juntsa malutala, Jesús, Galilea tusha, Nazaret pebulubi pu' lu' jitu, Juanchi Jordán pisha mungarami.

Lucas 4:16

Jesús Nazaretbi miimi, ya' awanu pebulubi. Tsejtu Jesúsya naa-uwanuba tsaimu' mitya, saaduma lekanu malunu chachilla' waku wakudinu yasha vimi. Tsejtu Jesúsnu Diosa' mitya pamu ruku Isaías' pilla kiika dekuwañu, ka' uidi' lennu ja'letu, entsaa pillaa katami:

Lucas 4:23

Tsenñu Jesús tsandimi: Ñulla inu entsandi'bandinu dejuve: Dilu ura' mandiremu ruku, ñuren maali ke' matsatiyade. Tsenmin entsandi'bandinu dejuve: Lala Cafarnaúm pebulusha ñu naakeñu demeeñu bain, enu ñu' tunu bain tsanguide, ti'bandinu dejuve, timi.

Lucas 18:37

Tsenñu: Nazaretsha chumu Jesús endaa puintsuve, detiñu,